Заловено расното куче кое напаѓаше луѓе во центарот на Куманово

Екипа од Ветеринарниот центар „Тодор Велков“ по налог на Инспекциските служби на Општина Куманово и во соработка со Агенцијата за храна и ветеринарсво го залови кучето, кое утринава нападна осум граѓани на улицата „Народна Револуција“. 

Од Инспекторатот велат дека откако добиле повик од граѓаните веднаш интервенирале и кучето е смесено во стационар. Не станува збор за куче скитник.
 

„Кучето е заловено во близина на „Супер Фурна“. Се работи за големо куче од расата азијат тешко 72 килограми , со пресечени уши и опашка. Станува збор за чувано куче, кое можеби е подготвувано за борби, а му побегнало на сопственикот. Не беше агресивно додека го заловивме“, велат инспекторите.

 

Кучето немало ременче, ниту е евидентирано во системот за да се утврди кој го чувал.

Тоа утринава во близина на Основното училиште „Крсте Мисирков“, нападна 8 лица, меѓу кои и четири ученика, кои поминале со полесни повреди, но се истрауматизирани и во шок од  нападот. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk