Запленети 36 килограми марихуана, приведени две лица од Куманово

Полицијата приведе две лица од Куманово на возраст од 59 и 52 години, поради пронајдена марихуана со вкупна тежина од 36 килограми. Тие се лишени од слобода и одредена им е мерка притвор од 30 дена.

Како што стои во соопштението на МВР, А.И. и З.М. наркотичните средства ги набавиле од Косово за да ги продавааат во Турција.

„ На 4 ноември тие отпатувале во Косово за да ја преземат марихуаната, по што се вратиле во Северна Македонија, а товарното возило во кое била марихуаната по насоки на А.И. било паркирано на договорена локација во Скопје. На 09.11.2020 З.М. по инструкции на А.И. тргнал за Турција при што на автопат Скопје-Велес изгубил контрола над возилото и излетал од патот. Од страна на полициски службеници од ЕНТД извршен е преглед на товарното моторно возило при што во истото пронајдена е марихуана“, соопштуваат од Министерството за внатрешни работи.

Пронајдената марихуана е предадена за вештачење и утврдено е дека е со вкупна нето тежина од 36 кг.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk