Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово објави повик за надомест на дел од трошоците за приклучок на гасификационата мрежа на подрачјето на Општина Куманово за 2018 година.
Со цел да ги стимулира граѓаните за користење гас за затоплување на своите домови, Општина Куманово ќе обезбеди поврат на дел од потрошените средства, за приклучна такса кон гасификациона мрежа. Средствата се во износ на 10.000 денари.
Приклучокот на гас за физички лица во Куманово изнесува 800 евра, а со новата мерка ќе се намали на 650 евра.
Право на користење на оваа мерка имаат жителите на Општина Куманово, кои имаат склучено Договор за приклучок на дистрибутивната гасоводна мрежа и Решение за приклучување издадени од ЈП „Куманово Гас“.
Домаќинствата кои имаат веќе остварен приклучок на дистрибутивната гасоводна мрежа, без оглед на тоа дали го користат, како и сопствениците на станбени објекти кои се сеуште во фаза на изградба немаат право на учество.
Пријавувањето започнува по објавување на повикот, а ќе трае до исцрпување на буџетот за таа намена, но не подоцна од 30.11.2018 година.
Со субвенционирање на домаќинствата што ќе користат гас Општина Куманово ќе се справува со загадениот воздух и заштитата на животната средина.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk