Започна со работа градскиот базен, кој го затворијa високите цени на гасот и струјата

По пауза од 3,5 месеци, повторно започна со работа затворениот градски базен во Куманово. 

Од ЈП „Чистота и зеленило“, кое менаџира со базенот информира дека тој ќе работи секој ден од 7 до 22 часот, од понеделник до сабота.
  
Базенот беше затворен на средината на јануари поради енергетска криза, односно енормното зголемување на цените на електричната енергија и природниот гас, кои беа превисоки за буџетот на претпријатието.

Тогаш беше најавено дека паузата ќе се искористи за сервисирање на постоечката опрема и одредени градежни работи.

Поради дефекти, минатата година цело лето не беше во функција отворениот базен.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk