Зачленете се во нашиот клуб на читатели и најновите текстови ќе ги добивате на вашата мејл адреса
Стотина садници денеска се засадени на неколку локации во градот, се со цел да се разелени градот, како една од мерките за намалување на загаденоста на воздухот.
Во паркот кај Автобуската станица, на булеварот „Октомвриска револуција“ и на кејот на Кумановка, засадени се јасен, платан и липа.
„Таа динамика ќе продолжи и во наредниот период затоа што времето е идеално. Имаме план до крајот на годината да засадиме најмалку 500 вакви садници. Тука сакам да најавам дека следната година кога со новиот буџет за 2020 година ќе предложам на Советот, 5 проценти од вкупните инвестиции на капиталните инвестиции во градот да се наменат токму за озеленубање на градот, за уредување на градското зеленило во мали паркови и дополнително засадување на нови садници каде што има можност“,- изјави градоначалникот Максим Димитриевски, кој денеска засади дрвца.
Градоначалникот вети дека Куманово ќе добие примат на зелен град и најголем број од дрвајата кои се стари и садени пред 50 години а веќе се склонопадни ќе се обноват и заменат со нови.
Директорот на ЈП „Чистота и зеленило“ Даниел Стојчевски, објасни дека се засадени листопадни дрвја затоа што имаат поголема вредност и заштита на воздухот.
„Акцијата ќе продолжи и во централното градско подрачје, 10 нови садници ќе се насадат на улицата Гоце Делчев, каде што беа исечени две дрва заради проширување на автобуската постојка, - изјави Стојчевски.
Тој додаде дека досега се засадени околу 5000 дрвца во зелениот појас околу градските гробишта, на Спомен костурница и во поширокото централно подрачје, поради што апелираше до граѓаните да не ги уништуваат садниците.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk