Затворени 11 златарници

 11 продавници за златен накит во Куманово се затворени од инспекциските служби поради континуирани неправилности во работењето.

 Најголем дел од дуќаните се на улиците „11 Октомври„ и „Гоце Делчев„.

Полицијата заедно со Управа за јавни приходи и Државниот пазарен инспекторат спроведе контрола во 25 златарници од кои 11 работеле спротивно на законите. Поради неиздавање на фискални сметки, немање на соодветни документи за работа и небаждарена вага, УЈП затвори 11 дуќани од 15 до 30 дена, а им изрече глоби во вкупен износ од 15.700 евра. Државниот пазарен инспекторат ги казни златарите со 4600 евра. Полицијата во два дуќана пронашла златни предмети кои се украдени. Тие се одземени од сопствениците.

Големата инспекциско-полициска акција беше спроведена завчера.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk