Зачленете се во нашиот клуб на читатели и најновите текстови ќе ги добивате на вашата мејл адреса
Заврши реконструкцијата на внатрешниот дел на Занаетчискиот дом во Куманово.
На местото на некогашното кино Напредок сега се наоѓа современ простор каде ќе се одржуваат културни настани, а ќе се користи и за венчавки. Проктот чини 18 милиони денари од кои две третини обезбеди Центарот за развој на североисточниот плански регион, а една третина општина Куманово.
„Ова прекрасно здание од денеска ќе се користи за повеќе намени, а пред се за концерти, изложби, промоции, прием на гости и се друго што е во интерес на градот. Многу одамна сакавме да го оспособивме овој објект, но успејавме да го реализираме преку проект на Центарот за развој на североисточниот регион, - изјави Дамјановски.
Во првата фаза од реконструкцијата извршена е замена на вратите и прозорците, замена на водоводната и електрична инсталација, санитарни јазли, осветлување и греење. Во втората фаза преостанува да се реконструира надворешниот дел на зградата за што се чека согласност од Конзерваторскиот центар од Скопје.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk