Работилница за декорирање на велигденски јајца организира здружението „Живот“

Креативна работилница за декорирање на велигденски јајца ќе се одржи утре од 11 часот во Гимназијата „Гоце Делчев“ во Куманово. Манифестацијата се одржува по трет пат, а ја организира Здружението „Живот“.

На работилницата освен пријавените ученици од основни и средни училишта, здруженија и тимови од Куманово и неколку други општини од Македонија, и претставници од различни верски заедници, можат да учествуваат и сите заинтересирани и креативни граѓани.

„Мотото на манифестацијата е „Велигден ист- на различен начин“ , па со вклучување на различни верски и етнички заедници придонесуваме за поголема соработка и соживот меѓу заедниците. Работилницата е само еден настан во низа, подоцна на 9 мај ќе вршиме избор на најубаво декорирано јајце, натпревар во кршење за избор на најцврсто јајце и литературно читање на творби од активниот литературен конкурс“, истакна Благица Гавриловска Цветковиќ, од Здружението „Живот“.

На изминатите две работилница се украсувале и декоративни корпи за јајца, но организаторите велат дека поради пролетниот распуст на учениците одржувањето и на конкурсот и на работилницата се малку изместени. Но, затоа очекуваат на прогласувањето на победниците поголем одѕив.

Литературни творби – поезија на тема „Јајцето на Воскресениетос- симбол на нов живот“ можат да се испраќаат до 6 мај по елетронски пат. Право на учество имаат ученици од 6-то до 9-то одделение и учениците од сите четири години во средните училишта во Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk