Зелениот пазар повторно работи

По два дена пауза заради воените дејствија во населба Тоде Мендол, Зелениот пазар повторно работи.

Пазарџиите велат дека муштериите се враќаат и работата се нормализира. Единствено штета претпрпеле што овие два дена робата им стоела и веќе не е свежа.

На тезгите нема штети, само што производите не се тазе како што беше. Не е таа роба што беше пред два дена.  Народот доаѓа, купува. Купуваат јадење затоа што за два дена се потрошило - кажа Сефедин Имери, трговец.

Пазарџиите велат дека фреквенцијата на пазарот е послаба, но се надеваат дека во наредните денови ќе има поголем промет.

Состојбата во Куманово се нормализира. Јас два дена не работев, но немам некоја штета. И воопшто на пазарот нема некоја штета направена - вели Љубица Христова, трговец.

Граѓаните кои денеска ги затекнавме се убедени дека безбедносната состојба е под контрола и излегле да купат намирници.

Купувам пипер, домати, леб. Залихите се потрошени. Сега нема проблем, се е средено. Се чувствувам безбедно. Благодарам многу на полицијата што храбро излезе и ја среди состојбата - рече Методија Трајковски, граѓанин.

Во саботата полицијата ги вратила трговците назад, бидејќи беше небезбедно поради акција против вооружена група во населба Тоде Мендол.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk