Земјоделците ќе учат за добра земјоделска пракса

 Советници од Агенцијата за поттикнување на развој на земјоделството ќе ги учат земјоделците како да спроведуваат добра земјоделска пракса.

Новата мерка започна со примена од почетокот на месецот, а има за цел да ги потикне земјоделците да произведуваат здрави производи.

Ќе научат земјоделците повеќе за агротехничките мерки, ѓубрење, плодоред, анализа на почва, искористување на водата, каде да се копаат бунари, како да се искористи правилно арско ѓубре. Како да се заоруваат стрништа, како да се обработуваат терени под езрозија, да имаме здрава почва и здрави производи и слично - вели Живка Наумова, раководител на Агенција за поттикнување на развој на земјоделството Куманово.

Три месеци земјоделците од сите села ќе следат обука за добра земјоделска пракса и тоа ќе биде услов за добивање на субвенции.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk