Зачленете се во нашиот клуб на читатели и најновите текстови ќе ги добивате на вашата мејл адреса
Во кумановскиот регион регистриран е првиот случај на заболен од туларемија.
Се работи за 45 годишна жена од липковското село Опае, кај која симптомите се појавиле уште во јануари годинава. Вчера и микробиолошки било потврдено дека станува збор за туларемија, дознава Кумановоњус.
Жената најверојатно се заразила од контаминирана храна и вода, бидејќи селото Опае во неколку наврати беше зафатено со поплави. Таа се лекува дома. Нејзините четири деца и сопругот не се заразени од болеста.
Од Центарот за јавно здравје ги преземаат сите мерки и активности за спречување на ширење на болеста. Утре екипите ќе излезат на терен да земат мостри за анализи на водата од бунарот на семејството, а ќе се изврши и дератизација на теренот.
Болеста ја пренесуваат заразени глувци, стаорци и зајаци.
Во други делови на државата има регистрирано десетина случаи на заболени од оваа болест.
( Фото: Здравство 24)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk