Зачленете се во нашиот клуб на читатели и најновите текстови ќе ги добивате на вашата мејл адреса
Претставнички на Форумот на жени на СДСМ Куманово денеска ги посетија корисниците на „Порака наша“, каде однесоа торта и подароци.
Посетата е по повод 3 декември-Светскиот ден на лицата со хендикеп и 16 дена женски активизам.
Денеска за нас е посебен ден. Дојдовме да им врачиме некои скромни подароци, но најмногу од сè сакаме понатаму да имаат подобри услови за работа, подобар живот, да се повеќе прифатени од средината, свеста на граѓаните да биде поголема. Сите заедно да направиме едно подобро утре за нив, секако и за нас - рече Лидија Михајловска, член на Форумот на жени на СДСМ.
Од „Порака наша“ се заблагодарија за посетата и рекоа дека оваа недела имаат повеќе активности за лицата со посебни потреби.
Овие посети многу им значат. Тие сакаат да се дружат, тие се толку мили што секоја насмевка од некој што ќе дојде во центарот многу им значи - кажа Емилија Цветковска, секретар во „Порака наша“.
„Порака наша“ брои 21 корисник, а во петок посета е најавена од Здружението на пензионери Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk