Зголемен бројот на првачиња во „Браќа“

Основното училиште „Браќа Миладиновци “ последниве три години е рекордер по бројот на запишани првачиња.

За следната учебна година досега 135 деца пројавиле интерес да посетуваат настава во ова училиште. Но сепак  бројката не е конечна, првоодделенците ќе се запишуваат до први септември.

 Одреден број на деца доцнат поради оправдани причини можеби бројката ќе се зголеми, и ако споредиме со тоа дека 105 ученици завршуваат деветто одделение кои ќе заминат од училиштето значи речиси една паралелка се зголемува од преку 30 ученици,- изјави Милорад Јордановски, заменик директор на „Браќа Миладиновци“ .

Дека навистина од година в година се зголемува бројот на запишаните првачиња во „Браќа Миладиновци“ потврдува и фактот што минатата учебна година своето основно образование го започнаа 138 првоодделенци. Учебната 2016-2017 –та година во централното  училиште ќе се формираат пет паралалеки со деца во прво одделение.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk