Ѕидови за звучна изолација на пругата во „Перо Чичо“

 На железничката пруга Куманово-Бељаковце, во населбата „Перо Чичо“,  ЈП „Македонски железници“ ќе постави ѕидови, заради звучна изолација и безбедност на граѓаните кои живеат во тој дел на градот.

 Со тоа ќе се реши деценсикиот проблем, да се спречи создавањето на дива депонија на просторот под пругата.

„Десет метри од работ на пругата припаѓа на ЈП „Македонски железници„ и затоа со чистењето не навлегуваме на таа површина.Знаеме дека проктот е одобрен, земен е кредит од Европската банка и изведувачот отпочна со работата. Зошто во моментот застана не знаеме, меѓутоа се надевам дека со поставувањето звучната изолација на овој дел од градот ќе се стави точка на оваа дива депонија“- изјави градоначалникот Зоран Дамјановски.

По пругата Куманово-Бељаковце-Република Бугарија ќе се движат брзи возови, поради што е неопходно поставување на ѕидови со звучна изолација, кои ќе ја редуцираат бучавата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk