Зимскиот распуст продолжен до 23 јануари

Зимскиот распуст за учениците ќе биде продолжен за пет дена, односно наместо на 18 јануари учениците ќе се вратат на училиште на  23 јануари.

 Ваквата одлука ја донесе Комисијата за заразни болести за да се спречи ширењето на грипот во земјата.

Во меѓувреме ќе се изврши дезинфекција на автобусите во јавниот градски превоз во Скопје и во другите градови и темелна дезинфекција на училиштата пред почетокот на второто полугодие.

“Оваа мерка е повеќе од потребна имајќи ја предвид тенденцијата на намалување на бројот на заболени од грип од 0 до 14 години во време на распустот”, рече министерот за здравство Никола Тодоров.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk