Основното училиште "Кочо Рацин" одбележа 65 години од своето постоење. По тој повод денеска во училиштето се одржа свечена приредба. Директорот Драгиша Цветковиќ,потсети дека во тековната година се реализирани повеќе проекти, а со тоа се подобрени и резултатите на училиштето.
Во Центарот за култура „Трајко Прокопиев„ утревечер ќе биде отворена изложба на цртежи и слики од авторката Мирјана Крстева Массети, која живее и работи во Гевгелија.
По повод 25 мај, роденденот на поранешниот претседател на СФРЈ Јосип Броз-Тито на Градскиот плоштад пред неговото спомен одбележје денеска свежо цвеќе положија група на граѓани, почитувачи на неговиот лик и делото ,борците на НОБ и членовите на Реформираната Комунистичка Партија на Македонија.
Црквата "Св.Тројца" или попозната во народот како „Нова црква„ денеска го слави својот светец. По тој повод во црквата се одржа свечена литургија со која чиноначалствуваше владиката полошко-кумановскиот Кирил, а програмата беше збогатена со црковени песни.
Над 300 ученици од кумановските основни училишта вчера зедоа учество во манифестацијата „Јас имам талент„ што ја организираше ОУ „Крсте Мисирков„ од Куманово. Младите имаа можност да го покажат својот талент во пеење, рецитирање, глума и танцување.
Градоначалникот на Марибор, Франц Канглер со неговите соработници престојува во дводневна посета на Општината Куманово. Целта на посетата е првите луѓе на Марибор да ги пренесат искуствотата во аплицирање на проекти од европските фондови и изработка на заеднички проекти, бидејќи и Марибор е втора најголема локална самоуправа во Словенија.
Се интензивира работата на проектот за гасификација на централното градско подрачје. Екипите на Јавното претпријатие „Кумановогас„ деновиве работат на поставување на гасоводната дистрибутивна мрежа на булеварот „Октомвриска револуција„.
Во Општата болница во Куманово фалат најмалку 20 лекари специјалисти за да се подобри квалитетот на здравствени услуги на пациентите во Североисточниот регион. Со постоечкиот стручен кадар не може да се одговори на потребите на повеќе од 200 000 жители, бидејќи лекарите покрај од кумановскиот регион секојдневно го опслужуваат и населението од кривапаланко и кратовско.
Матурантите од Куманово точно напладне на Градкиот плоштад изведоа синхронизирано танцување „Квадрил„ на музика која се емитуваше преку радио сигнал. Околу триста матуранти од градот, облечени во црвени и бели маички заедно со уште 40 илјади матуранти од седумдесетина европски градови и оваа година беа дел од големата матурска парада.
Полската амбасада во Македонија во соработка со Центарот за култура „Трајко Прокопиев„синоќа организира концерт по повод 200 години од раѓањето на Фридрих Шопен.
300 матуранти од градот, традиционално и оваа година ќе бидат дел од големата матурска парада, што утре истовремено ќе се одржи во седумдесетина европски градови
Претставници на познатата германска фирма за монтирање и сервисирање на гасоводни системи „Фисман„ за вработените во ЈП „Кумановогас„ и нивните деловни партнери организираше обука за работа на гасоводниот систем.
Викендов по десетипат се одржа традиционалната Стрезовска средба. Во ресторанот “Фрателис - Визиана” во селото Клечовце стрезовчани и нивните пријатели се собраа да се видат и заедно да се дружат.
Р.Ј. (32) од селото Ропаљце, липковско е приведен во кумановската полиција под сомнение дека мината недела го убил Шериф Салиху (29) од истото село и го фрлил во нива со жито во атарот на Ново Село.
По големите поплави што вчера ги зафатија селата во Старо Нагоричане, откако се излеа реката Пчиња, денеска состојбата се нормализира. Мобилизирани се сите расположиви сретства во Општината, а Кризниот штаб постојано е на терен.
Основното училиште „Светозар Марковиќ“, го одбележа својот патронат во знакот на азбуката. На свеченоста гостите ги поздрави директорката на училиштето Жаклина Миленковиќ.
Зачленете се во нашиот клуб на читатели и најновите текстови ќе ги добивате на вашата мејл адреса