Одделот за сузбивање на организиран и сериозен криминал, Сектор за криминалистички истраги – Единица за корупција до Основното јавно обвинителство за гонење на организиран криминал и корупција поднесена е кривична пријава против 12 лица, по завчерашната акција на граничниот премин Табановце.
Во малата сала на Центарот за култура „Трајко Прокопиев“ вечерва од 20 часот новогодишен концерт на пијано ќе одржат Мартина Аврамовска и Андреј Наунов, солисти во Македонската опера и балет од Скопје.
Бензините од ноќеска на полноќ поскапуваат за еден денар по литар, а цената на дизелот се намалува за исто толку, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,84 отсто.
По осми пат во Куманово ќе се одржи детската бадникова поворка, која го најавува Христовото раѓање. Поворката ќе тргне од Соборниот храм „Свети Никола“ и ќе помине низ улиците во централното градско подрачје, по што прославата ќе се одржи на Градскиот плоштад, каде дечињата ќе ги пречека изненадување.
Во синоќешната полициска акција на граничниот премин Табановце се уапсени деветмина полицајци, меѓу кои и командир, заменик командир и раководител на смена.
Самир Салиевски од Куманово од вчера (недела) е пријавен за исчезнат. Случајот во полиција го пријавиле од семејството.
Советот на Општина Куманово утре ќе одржи редовна седница на која меѓу другото ќе се расправа за Предлог - буџетот на Општина Куманово за наредната година. На дневен ред се 26 точки, повеќето програми за работа на јавните претпријатија и установи.
Во Салонот на Уметничката галерија во Куманово вечерва во 19 часот ќе биде отворена самостојна изложба на слики на академскиот уметник Мирослав Величковски - Мире.
На граничниот премин „Табановце” во тек е акција на Министерството за внатрешни работи и на Основното јавно обвинителство за гонење на организиран криминал и корупција (ОЈО ГОКК).
Со сечење на бадникови гранчиња во которското селото Колицко денеска започаа подготовките за одбележување на годинешнава прослава на Бадник, што по 25-пат го организира Здружението на граѓани „Коледари“ од Куманово.
Форумот на жени СДСМ Куманово ќе подели над 400 новогодишни пакетчиња на деца од социјално загрозени семејства како и дечињата на Одделот за онкологија на Детска клиника во Скопје.
Здружението „Коледари - чувари на традицијата“ од Куманово утре ќе ги берат бадниковите гранчиња во селото Колитско.
Пред новогодишните и божиќни празници, зголемена е фреквенцијата на возила и патници на граничниот премин „Табановце“ на македонско-српската граница за влез во државата. Тоа создаде гужви на границите, па граѓани од преминот кажуваат дека синоќа чекале и до два ипол саата за да влезат во државата.
Основното јавно обвинителство Куманово донесе Наредба за спроведување истражна постапка против 38-годишен кумановец за кого постои основано сомнение дека сторил кривично дело – Разбојништво од член 237 став 4 во врска со став 1 од Кривичниот законик.
Видливоста на патот Куманово-Скопје намалена е од 50 до 60 метри, поради појава на магла.
На градскиот плоштад во Куманово денеска по 15. пат се одржа хуманитарната манифестација „Дедо Мраз на мотор“, која ја организира Мото клубот „Мечки“ од Куманово.
Зачленете се во нашиот клуб на читатели и најновите текстови ќе ги добивате на вашата мејл адреса