Возилото на пaјак службата на ЈП „Куманово-паркинг“ е технички неисправно и нема сертификат за подигање на возила, покажала вонредната контрола што вчера ја извршила сообраќајната полиција.
Владата на вчерашната седница донесе Одлука за изменување на Одлуката за определување највисоки цени за одделни производи во трговијата на мало.
Лицата со попреченост имаат еднакви права за политичко учество и треба да бидат поддржани и прифатени со вклучување во политичките и други процеси, што ќе овозможи нивна целосна партиципација во општествениот живот, беше истакнато на панел дискусијата „Политичкото учество на лицата со попреченост, организирана од Здружението за промоција и развој на инклузивно општество „Инклузива“, што се одржа во ресторан „Грација“ во Куманово.
Во 2022 година се случиле вкупно 169 несреќи при работа, а 22 од нив завршиле фатално, објави Македонско здружение за заштита при работа (МЗЗПР), по повод 28 април - Меѓународниот ден за безбедност и здравје при работа.
Стотина работници од Куманово ќе се приклучат на првомајскиот протест „Работниците се државата“, кој во понеделник ќе се одржи во Скопје.
Професорите по географија од кумановските основни и средни училишта застанаа зад петицијата „Kажи ‘не’ на уништувањето на географијата како предмет!“, бидејќи сметаат дека нивниот предмет не заслужува таков третман, а измените се направени без консултации со стручната фела.
Прекин во снабдувањето со електрична енергија денeска ќе имаат потрошувачите на делови од Куманово и неколку села во општина Липково.
И во новата учебна година учениците од деветто одделение ќе можат да се запишуваат на насоката фармацевтски техничар во Државното средно училиште „Киро Бурназ“ во Куманово, која првпат беше воведена минатата година и предизвика голема заинтересираност кај деветоделенците.
Бранителите, учесници во воениот конфликт од 2001 година, кои се жители на Општина Куманово да добијат ослободување или намалување на сите давачки кон Општината, е иницијатива на советникот на Левица, Никола Лазревски, која е доставена во Советот на Општина Куманово.
Модната ревија „Магија на кругот“ на матурантите од текстилно - кожарската струка од средното училиште „Перо Наков“ во Куманово предизвика огромен интерес во кумановската јавност, особено меѓу младите.
Нето - платите на вработените за февруари имаат пораст од 13 отсто во однос на истиот месец лани, а бруто приходите се повисоки за 13,4 проценти. Ова го објави Државниот завод за статистика во својот извештај за сосотојбите на пазараот на труд.
Хотелот „Кристал“, од 60-те до 80-те години на минатото столетие постојано работи со полн капацитет, станува омилена дестинација на гости од сите околни градови, со музика и реномирани пеачи и секако неповторливите игранка во саботите и неделите.
Во Занаетчискиот дом во Куманово вечерва во 19.30 часот ќе се одржи модна ревија на накит изработен од Александра Јовановска.
Благодарници за особен придонес и залагање во библиотекарството, пишаниот збор и литературата добија Нада Ивановска и Мирјана Златановска од Куманово, по повод Светскиот ден на книгата, 25 Април.
СВР Куманово поднесе кривичнa пријавa против кумановец, поради постоење основи на сомнение за сторено кривично дело “недозволена наплата или исплата во ефективни странски пари“.
Над 210 илјади денари се собрани од хуманитарниот концерт на Фондација Елеуса ,,Звукот на човечноста“ кој синоќа се одржа во Струмица, а парите се наменети за лекувањето на четиригодишната Теодосија Лазаревска од Куманово.
Зачленете се во нашиот клуб на читатели и најновите текстови ќе ги добивате на вашата мејл адреса