Личните податоци за починатите од ковид не смеат јавно да се објавуваат

Личните податоци на заболените и починати од ковид-19, исто како и за кое било друго починато лице, не смеат да се злоупотребуваат и да бидат јавно објавени, како што сугерира авторот на објавата што ја рецензираме. Заштитата на личните податоци се гарантира со повеќе европски и домашни законски акти, а за секое прекршување предвидени се и соодветни казни. Неточни и невистинити се и тврдењата дека  коронавирусот е измама, а вакцините смртоносни, со што може да се нанесе огромна штета врз здравјето на луѓето и нивно евентуално одвраќање од вакцинација која ги штити од сериозни последици

Социјалните мрежи „експлодираа“од дезинформации за вакцините

Вистинска експлозија од дезинформации за ковид-19 во изминатиот период се случи на интернет просторот, пред сѐ, на социјалните мрежи. Ширењето невистини, полувустини  и манипулации особено се засили со стартот на масовната вакцинација и налетот на делта сојот на короновирусот. Во овој четврти бран од  пандемијата наративот во креирањето на погрешна слика за опасната болест се насочи главно кон вакцините. Се пласираа паушални и неточни тврдења дека вакцините се неиспитани, неефикасни, штетни по човековото здравје, а сѐ со цел да му се наштети на поцесот на имунизација и да се одвратат луѓето од намерата да се вакцинираат. Изминативе месеци „Вистиномер“ дебанкираше стотина вакви објави

Британските лекари не добиваат 12.58 фунти по вакцина, туку парите се за ординацијата

Невистинито е тврдењето во постот дека лекарите во Велика Британија ќе добијат пари по администрирана доза на вакцина. Овие пари се за да се спроведе процесот, да се обучат лекарите и да функционираат приватните амбуланти, како што било случај и со вакцината против грип. Британскиот модел на финансирање на амбулантите функционира како мал бизнис, каде што за секоја дополнителна програма потребни се медицински средства, кадар и простор за да се спроведе вакцинацијата, а овие пари, односно фондови, не одат во џебот на лекарот, туку во самата ординација. Но, најголемата невистина е дека овие пари се за да се мотивираат здравствените работници да вакцинираат деца. Овој финансиски надомест е воведен на почетокот на вакцинацијата во Британија, кога воопшто не беше на повидок дека вакцината на „Фајзер“ ќе се администрира на деца

Вакцинацијата е имунизација и штити од тешка форма на болеста

Секојдневно има нови докази дека вакцинираните лица стекнуваат силен имунитет и дека далеку помалку вакцинирани лица се заразуваат. А, што е најважно, доколку се заразат лицата со претходно примени две дози на вакцина, тие  имаат далеку полесни симптоми. Впрочем и последните епидемиолошки анализи на Министерството за здравство објавени на 3-ти септември покажуваат дека најголема смртност кај пациенти со ковид во земјава имало во градовите каде имало најнизок процент на вакцинирано население

Интервју полно со дезинформации шири невистини за коронавирусот и вакцините

Интервјуто со Гордана Гоџо е полно со невистини поврзани со пандемијата на коронавирусот и вакцините против него. Студиите на кои се повикува Гоџо немаат никаква научна основа и се базираат на изјави дадени од самите автори. Импликациите дека маските не штитат од ковид-19 како и дека вакцините против ковид се штетни, можат во голема мера да наштетат на процесот на имунизација, како единствен излез од пандемијата која досега однесе милиони животи низ светот

Одредувањето на нивото на антитела не се препорачува и не влијае врз вакцинацијата

Сè повеќе граѓани се вакцинирани против ковид, а со тоа и редиците пред лабораториите за испитување на антитела стануваат подолги. Некои граѓани се тестираат прерано, некои предоцна, а трети со тест којшто воопшто не мери антитела после вакцинација. Глобалната алијанса за вакцинација (ГАВИ), на 27 август годинава официјално соопшти: не може да се потпрете на тестовите за антитела за да кажете дека сте или не сте заштитени од ковид

Не се развива чип за детекција на ковид, туку сензор од хидрогел кој не може да детектира патогени

Невистинито е тврдењето во овој пост дека е развиен микрочип за детекција на ковид. Сензорот спонзориран од американската војска може да детектира ковид, но не е микрочип. Станува збор за зелен сензор, кој е помал од зрно ориз, ама не е микрочип и во него нема никакви метали или електроника. Сензорот сè уште не е во употреба и е технологија на иднината. Неточно е и тврдењето во постот дека сензорот детектира рани симптоми на ковид, што е непотребно бидејќи самото тело може да ја даде таа информација. Сензорот не детектира ни патогени, ни симптоми, туку молекуларни промени уште пред да се појават симптомите

Вакцинираните не се полни со токсини!

Студија што не е рецензирана и е демантирана од многу истражувачи се пласира како доказ дека со вакцините во телото се внесуваат токсини. Станува збор за невистинита вест, т.е. дезинформација

Лага за вакцината и децата во училиштата

Лажна вест е пласирана како објава на Фејсбук дека со самото тоа што сте ги испратиле децата во училиште сте дале и согласност за вакцинација против ковид

Вакцината на Фајзер е испитана, а доби и дозвола за целосна употреба од ФДА!

За жал на тие што го споделуваат и гледаат видеото, од август 2021 година, вакцината на Фајзер повеќе нема дозвола за употреба во итна состојба, како што имаше дотогаш, туку стана првата вакцина во светот, која доби целосна дозвола за употреба од Американската агенција за храна и лекови.

Невистина е дека Данска ќе го води ковид ,,како обичен грип”

Целосна дезинформација е дека Данска ќе ги укине рестриктивните мерки затоа што ковид-19 ќе го смета како грип. Голем дел од мерките се олабавуваат поради високото ниво на вакцинирано население од 71 отсто

Лага е дека вакцинираните се причината поради која вирусот мутира

Два неспорни факти зборуваат спротивно од тврдењето на научникот што се залага за драстично намален обем на вакцинација од она што сега се прави во светот. Првиот е Малоун се пласира како изумител на вакцините што користат нови платформи и технологија, а не е, вториот е бројките од статистичките податоци и студиите не се совпаѓаат со тврдењата на Малоун. Придобивките од вакцините се гледаат од бројот на хоспитализираните и починати меѓу вакцинираните

Дезинформации за присилна вакцинација и измислици за наводно труење на ученици

Не постои никаков план и заговор за присилна вакцинација на децата и нивно труење со вакцини, како што се тврди во Фејсбук објавата што ја рецензираме, ширејќи вознемирувачки пораки и потткнувајќи паника кај родителите. Имунизацијата за младите од 12-18 години се спроведува единствено по претходна пријава, со согласност од родител и во вакциналните пунктови, а за децата под 12 години засега не се препорачува ниту една вакцина против ковид-19

Не е точно дека децата не заболуваат од ковид!

Рецензираме пост на Фејсбук во кој се тврди дека децата не се заразуваат со ковид. Авторот на постот прашува како може децата да се тестираат и да носат маски, кога „воопшто не фаќаат ковид“.

Лаги, лаги и лаги дека ковид 19 е измама!

Рецензираме објава на Фејсбук во која е изнесена теорија на заговор. Во постот се тврди дека ковид е измама и глобален координиран напад со цел да се уништи светската економија, да се воведе светска дигитална валута, присилно вакцинирање, идентификација со микрочипови

Сода бикарбона не е лек против вируси

Сода бикарбоната и лимонот не се никаков „спасоносен лек“ за заштита од вируси воопшто, а најмалку за заштита од коронавирусот, како што се тврди во објавата, која може да влијае на задоцнет третман и ненавремена имунизација кај населението како единствена ефикасна заштита од ковид-19. Оваа мешавина нема ефикасни ефекти, а може да биде многу опасна, ако содата се зема во големи количини, па дури и да предизвика труење. Научните истражувања потврдуваат повеќе опасни ризици по здравјето на луѓето, особено за оние кои имаат здравствени проблеми, како и за нусефектите од конзумирање со лекови. Главоболка, дијареа, ризик од срцев удар, руптура на стомакот, бубрежна инсуфициенција се само дел од нив. Медицинските институции упатуваат на балансирана исхрана за зајакнување на имунолошкиот систем и навремена вакцинација, но никако експериментирање со алтернативни решенија и непроверени напитоци