Во големата сала на зградата “Комитет” во Куманово, утре /четврток/ со почеток во 19 часот пред граѓаните ќе се претстави Билјана Ванковска, кандидатката за претседател на Македонија од партијата Левица.
Пуштена е новата украсна фонтана во Соколанскиот парк за која Општина Куманово потроши 10 илјади евра. Реконструкцијата на паркот чини 233 илјади евра.
Едно лице е повредено во сообраќајна несреќа на регионален пат Куманово – Свети Николе, во атарот на селото Орашац.
Уставниот суд ја укина Одлуката за суспензија од примена на Детален урбанистички план во Куманово, бидејќи оценил дека има отстапки во постапката за донесување на одлука, кои претставуваат повреда на начелото на владеењето на правото, предвидено со членот 8 став 1 алинеја 3 од Уставот.
Императивот во работата на секој политичар е да работи за народот и да го сплотува, а не да го дели.
Празникот Рамазан Бајрам, среда е неработен ден за сите граѓани на Република Северна Македонија.
Основното јавно обвинителство од Куманово ја отфрлило како неоснована кривичната пријава против Благе Јакимовски, поранешниот претседател на Здружение на пензионери Куманово, која била поднесена од СВР Куманово, поради постоење основи на сомнение за сторено кривично дело „злоупотреба на службена положба и овластување“ по член 353 од Кривичниот законик, во март минатата година.
Вицепремиерот задолжен за економски прашања, координација на економските ресори и инвестиции денеска имаше средба со бизнис секторот во Куманово. На средбата било разговарано за предизвиците проблемите и потребите на компаниите, како и за начините за надминување на истите.
Уставниот суд на 9 април на седница ќе ја оценува уставност на одлуката на Советот на Општина Куманово да го суспендира Деталниот урбанистички план (ДУП) помеѓу бул. „Трета МУБ“, ул. „Перо Чичо“, ул.„Прва петолетка“ и ул.„Миле Кипра“- Општина Кумановово, во близина на т.н. „Школска амбуланта“ во Куманово.
Ромите се се уште невидливи, маргинализирани и отпишани од општеството“, вели Ашмет Елезовски, извршен директор на Националниот ромски центар во Куманово.
Дизел горивото и нафтата за домаќинствата вечерва по полноќ ќе добијат нова, за 2 денари по литар, повисока цена, додека бензините ќе поскапат за 1 односно за 1,5 денари по литар, зависно од видот на горивото.
Две лица се повредени при судир на скутер и автомобил на ул. 11 Ноември во Куманово.
Полициски службеници од СВР Куманово, викендов спроведоа акциска контрола за санкционирање на возачи кои не ги почитуваат сообраќајните прописи, при што на подрачјето на Куманово казнети се вкупно 91 возачи.
Вработени во Општа болница Куманово, членови на Самостојниот синдикат за здравство, фармација и социјална заштита, протестираа денеска од 10 до 10.30 часот. Протестот беше за време на паузата, поради што немаше прекин во работата со пациенти.
Општинската организација на Црвениот крст Куманово вечерва во 19 часот организира хуманитарен концерт во Центарот на култура “Трајко Прокопиев”, а средствата ќе бидат употребени за обезбедување на очила за вид на дечиња од социјално ранлива категорија, како и за реновирање на просториите на Здружението на слепи лица во Куманово.
Учениците од основни и средни училишта од Куманово, од денеска /8 април/ можат да се пријават за учество на ликовниот конкурс „Мојот имагинарен свет 2024“ на Центарот за култура во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса