Археологот Дејан Ѓорѓиевски од Музеј Куманово беше на еднонеделна студиска посета на локалитети во Грција, кои претставувале македонски центри на егејскиот брег. Посетата била дел од проектот „Хеленистичкиот период во кумановско – влијанието од егејските македонски центри“, дел од редовната годишна програма на институцијата.
Разрешување на актуелното раководство, организирање на легитимни избори, промена на статутот со кој во иднина функциите ќе се обавуваат волонтерски се дел од барањата на членови на Здружение на пензионери Куманово. Тие одржаа собир на кој ги истакнуваа проблемите со кои се соочуваат и револт од игнорантскиот однос на претседателот Ристо Бошков и останатите функционери.
Три месеци по ред доцни платата на вработените во Јавното претпријатие „Пазариште“ Куманово, а главна причина е што препријатието има големи расходи на месечно ниво, особено во ставката за исплаќање на личните доходи.
Кумановец пријавил во полиција дека во 2022 година бил отпуштен од јавно претпријатие без да бидат иполнети законските норми.
Во првата половина на август, потврдени се осум случаи на Ковид инфекција на жители на Куманово, со тестови во Микробиолошката лабораторија на Центарот за јавно здравје. Станува збор за најновиот, мутиран сој на корона вирусот, кој дава полесна клиничка слика, а и самата бројка покажува дека состојбата во градот е стабилна.
Општа болница Куманово на трајно користење доби 86 инвалидски колички од подрачната служба на Фондот за здравствено осигурување (ФЗО) Куманово. Тие се отстапуваат за потребите на пациентите на сите одделенија во болницата.
На граничните премини Табановце, Белановце, Пелинце и Деве Баир полициски службеници од Отсекот за превенција при СВР Куманово во текот на изминатата недела реализираа превентивни активности за поголема безбедност во сообраќајот.
Целосна системска контрола преку лична идентификација и следење на кредитниот ризик применува финансиското друштво „Флекс кредит“. Согласно законската регулатива која неодамна Министерството за финансии дополнително ја зајакна со измените на Правилникот за кредитен ризик, друштвото целосно ја гарантира безбедноста во процедурите за идентификација и одобрување на кредитите со што клиентите целосно се заштитени.
Во кумановската Општа болница недостасуваат специјалисти од сите профили, но најургентно е вработување на анестезиолози, рендгенолози, ортопеди, уролог, специјалисти за оториноларингологија и инфективни болести.
Невработените лица од Куманово можат да се пријават во работните клубови на Центарот за вработување за „Обуки за побарувани занимања на пазарот на труд“. Обуките ќе се изведуваат кај верификувани спроведувачи на обуки.
Сојузот на синдикати на Македонија (ССМ) објави дека синдикалната кошница за месец август, за четиричлено семејство изнесува 61.199 денари, и бележи пораст од 629 денари во однос на јули.
Во полицијата во Куманово била пријавена тепачка меѓу двајца четириесетгодишни мажи во селото Горно Којнаре.
Граѓаните на Куманово, кои живеат во стамбени згради во голема мера се неупатени и општествено неодговорни, а за многу од проблемите во секојдневниот живот ги обвинуваат стамбените управители, реагираат стамбените управители од Куманово.
Во Уметничката галерија во Куманово во среда, 21 август со почеток во 20:00 часот ќе биде отворена ретроспективно-монографска изложба на Љубица Андреевска -Љупка од Кавадарци. На изложбата ќе бидат прикажани 51 уметнички дела на авторката.
Еуродизел горивото од вечерва на полноќ ќе поскапи за половина денар, а за исто толку има раст на цената има и кај Екстра лесното масло за горење и Мазутот, одлучи РКЕ. Новите цени на дериватите стапуваат на силаод вечерва на полноќ.
Синоќа до Територијалната противпожарна единица Старо Нагоричане било пријавено дека избувнал пожар на викенд куќа во селото Облавце. Горела кровната конструкција на објектот.
Зачленете се во нашиот клуб на читатели и најновите текстови ќе ги добивате на вашата мејл адреса