Вечерашното невреме и силниот ветар го откорнаа кровот на улицата Тоде Думба број 70. Во становите на највисокиот кат има протекување на вода и материјална штета, а станарите стравуваат дека повторно ќе ги поплави доколку заврне според најавите на метеоролозите.
На булеварите 3 МУБ и Окотмвриска револуција, улицата Пиринска и други локации во градот интервентните екипи на ЈП „Чистота и зеленило“ вчера започнаа со расчистување и санирање на последиците од невремето што го зафати Куманово во попладнево.
Во Куманово до 18 часот наврнаа 38 литри дожд на метар квадратен, според Управата за хидрометеоролошки работи.
На 16 авгуист полициски службеници привеле 36- годишна жена од куманово откако физички ги нападнала мајка си и сестра си.
Штитениците на Домот за стари лица „Зафир Сајто“ од Куманово пеколните летни горештини ги минуваат на пријатни температури, во разладени простории. Негувателите обрнуваат посебно внимание да конзумираат доволни количини на течности, а активностите се прилагодуваат на екстремните временски услови.
Уште три клупи се уништени на Градскиот кеј во Куманово, што е трет вандалски чин во градот во последните три недели. Искорнатите клупи биле забележани од вработените на ЈП „Чистота и зеленило“ во утринските часови.
Сончево и екстремно топло ќе биде и во текот на денешниот ден на територијата на Куманово, со можност за развој на нестабилна облачност, според прогнозата на Управата за хидрометеоролошки работи. Температурата ќе се искачи до 39 степени целзиусови во попладневните часови.
На Градскиот плоштад и централното градско подрачје волонтери на Црвен крст Куманово бесплатно делеа шишиња со вода на случајните минувачи, воедно потсетувајќи ги на мерките за заштита од екстремно високите температури. Се работи за дводневна акција, спроведена на 15 и 16 август.
Ученичкиот дом „Професор Мијалковиќ“ продолжува со упис на ученици за учебната 2024/2025 година, а до сега е комплетирана документацијата на само 8 од нив. Целокупниот капацитет е 120 ученици, последниве години запишуваат помалку од половината предвидени. Минатата година имале 55 корисници.
На 14 август, во 16.50 часот едно лице од село Лопате е приведено откако во казино се обидело да размени фалсификувана банкнота од 100 евра.
Вработените во „Чистота и зеленило“ работат со максимален капацитет за одржување на хигиената на градот, но дефектите на возилата, мерките на владата за заштита на населението од топлотниот бран и за 40 проценти зголемениот обем на работа создаваат слика дека нередовно се изнесува сметот.
Од денеска започна аплицирањето за субвенциониран студентски оброк за академската 2024/2025 година, а завршува заклучно со 5 септември. Пријавувањето се одвива он-лајн и важи за сите додипломски студенти запишани на приватните и државните универзитети во земјава.
Во градинката „Ангел Шајче“ во Куманово во јули се новозапишани 124 дечиња, со што моменталната бројка на оние на кои им е обезбедена ова услуга за наредната учебна година е 1768 деца од предучилишна возраст. На листата на чекање се наоѓаат уште 334 барања.
Седат Зулбеари е назначен за ВД директор на Здравствен дом Куманово. Тој по професија е економист, магистер по финансии, а на функцијата доаѓа од приватниот сектор.
Владата ја разгледа и усвои информацијата за продолжување на дополнителните мерки за превенција поради топлотниот бран и за четврток.
Бендот „Д Солушн“ вечерва ќе се одржи концерт на платото на Центарот за култура со почеток во 20.30 часот. Групата ќе изведе популарни и добро познати поп-рок хитови од светската, регионалната и домашната музичка сцена.
Зачленете се во нашиот клуб на читатели и најновите текстови ќе ги добивате на вашата мејл адреса