СДСМ Куманово и оваа година по повод 11 Октомври ќе го одржи традиционалниот пикник на Спомен костурницата. Пикникот ќе започне во 12 часот, а ќе присуствува лидерот на СДСМ Димитар Ковачевски и генералниот секретар Милан Зечевиќ.
По осум месеци заврши санацијата на мостот над реката Кумановка на регионалниот пат Куманово - Свети Николе во населбата Проевце, и од утре ќе биде пуштен за сообраќај.
Познатиот босански актер Бранко- Ѓуриќ- Ѓуро, доаѓа во Скопје со хит комедијата „Ѓурологија“ на 13 октомври од 20 часот во Домот на АРМ.
Пензионерите во последните неколку дена навалија на шалтерите на Општина Куманово и во просториите на Здружението на пензионери за да се распрашаат кои документи се потребни за да добијат еднократна парична помош,која наводно им следува на пензионерите со ниски примања. Од здружението и од Одделението за социјална заштита на Општина Куманово ја демантираа ова вест и нагласија дека ваквата еднократна парична помош од 6.000 ден воопшто не е предвидена во општинскиот буџет за и е чиста шпекулација. Еднократна парична помош општината доделува на социјално загрозените , но тоа е по строги,пропишани критериуми и може да се земе еднаш во годината.
Финансиското друштво „Флекс Кредит“ го донираше првото од предвидените 25 детски игралишта во населбата Дузлак, Штип.
Лицемерно е што за проблеми во образованието прашањето го поставува токму онаа партија која додека беше централна власт во Куманово не вложи ниту еден денар во образованиотпроцес. Да не заборавиме дека во нивно време наставникот беше деградиран и понижен, а на товар на учениците беше небулозното екстерно тестирање, одговорија од кумановскиот СДСМ на прозивките што ги произнесе ВМРО-ДПМНЕ на неодамнешната прес конференција.
Во Општата болница Куманово започнува со работа Роса школа за родителство. Школата вклучува интерактивни работилници за психофизичка подготовка на бремените жени, кои ќе ги водат искусни акушерки,лекари,психолози и физиотерапевти. Тие на идните мајки ќе им го објаснат чинот на раѓање-физиологијата, но и психологијата, што да очекуваат и како да се изборат со инстинктивниот страв кога ќе дојдат до породување.
Денеска на сметките на 5.851 млекопроизводители се исплатени вкупно 89.455.245,00 денари за мерката 2.3, која ги опфаќа директните плаќања за произведено и предадено кравјо , овчо и козјо млеко, информира Агенцијата за финансиска поддршка во земјоделството и руралниот развој (АФПЗРР).
Викендов (8 и 9 октомви ) во Крива Паланка ќе се одржи средновековен фестивал на кој ќе бидат презентирани главните карактеристики на т.н. мрачно доба, кое побудува голем интерес кај јавноста за овој историски период.
Триесет и осум годишен маж од кумановско село бил жртва на измама за набавка на огревно дрво. Парите ги дал, но дрвата не стигнале во неговиот дом.
Две лица од Кратово биле приведени во полициска станица, поради физички напад кој се случил пред казино во Куманово.
На 8 октомври (сабота ), со почеток во 12 часот, во Занаетчискиот дом во Куманово ќе биде промовиран Меѓународниот зборник ,,Кумановска Симбиоза-22”.
Ако се земе предвид дека свињарството е широко распространета сточарска гранка и значајна за производителите од нашата држава, Владата треба да ги стави на располагање сите материјално-технички средства и со еден сериозен и навремен пристап да се локализираат жариштата што сега ги имаме. Ако продолжи ваквата ситуација постои опасност да дојде до целосно истребување на свињите, истакна на прес конференција Цветан Трипуновски,член на Републичката комисија за земјоделство на ВМРО-ДПМНЕ, кој присуствуваше во Куманово на „Денови на медот“ , по покана на Пчеларското здужение „Пчела“.
Околу 20-тина производители на мед и пчелни производи учествуваат на тридневната манифестација ,,Денови на медот”, која се одржува по 22 пат на Градскиот плоштад, во организација на Пчеларското друштво ,,Пчела” од Куманово.
Во просториите на Музеј Куманово утре во 12 часот ќе биде поставена изложбата „ЧЕНТО – БИОГРАФИЈА НИЗ ФОТОГРАФИЈА“ од авторот Рубинчо Белчески, историчар – кустос советник во НУ Завод за заштита на спомениците на културата и Музеј – Прилеп.
Прекин во снабдувањето со електрична енергија денеска ќе имаат потрошувачите од неколку кумановски населби и села.
Зачленете се во нашиот клуб на читатели и најновите текстови ќе ги добивате на вашата мејл адреса