Од 16 август се воведуваат нови рестриктивни мерки поради големиот број нови случаи на ковид-19. На настани кои се организраат на затворено ќе може да влегуваат само вакцинирани лица, а рестораните и кафулињата ќе смеат да работат само на летните тераси.
Не се најдени траги од починато лице во куќата што изгоре во селото Челопек, Општина Старо Нагоричане, во која се претпоставуваше дека останала 60-годишната жена.
Во последните 24 часа се направени 5.959 тестирања, а регистрирани се 325 нови случаи на КОВИД-19: Скопје – 101, Тетово – 95, Гостивар – 43, Куманово - 26, Струга - 10, Охрид, Дебар и Кичево – по 7, Прилеп, Кочани и Македонски Брод – по 4, Струмица, Радовиш и Пехчево – по 3, Кавадарци и Штип – по 2, Битола, Велес, Берово и Виница – по 1.
Четири лица, меѓу кои и малолетник кој управувал автомобил, вчера попладне се повредени во сообраќајна незгода на локалниот пат Куманово-с.Романовце, кај место викано „Мачја глава“.
Од 8 пожари кои вчера беснеаа на територијата на Општина Куманово, во моментот е активен само пожарот во селото Бељаковце.
Осумнаесетгодишно девојче од Куманово загина, а две лица се повредени, во сообраќајна несреќа на автопатот Скопје – Куманово.
Расте просечната плата во државата, но растат и трошоците на живот. Според статистиката во мај годинава во споредба со истиот месец лани просечната нето плата се зголемила за 8,8%, пишува „Порталб“. Податоците од Сојузот на синдикати на Македонија (ССМ), пак, покажуваат дека вредноста на „минималната синдикална кошничка“ се зголемила за скоро 12 евра во јуни годинава во споредба со истиот месец лани
Нови осум пожари се регистрирани во поширокиот кумановкси регион соопштија од Центарот за управување со кризи (ЦУК). Активирани се пожари во селата Зубовце, Сопот, Четирце, Зебрњак, Лојане, Орашац, Довезенце, Бељаковце.
По многубројните пожари на подрачјето на Куманово, Секторот за внатрешни работи Куманово апелира до граѓаните, особено земјоделците, да не ги палат отпадоците, меѓите и стрништата на нивите.
Во последните 24 часа се направени 4.713 тестирања, а регистрирани се 219 нови случаи на ковид-19. По градови во:Скопје и Тетово – по 65, Куманово – 20, Гостивар – 19, Струмица – 7, Кичево – 6, Битола, Струга, Берово и Виница – по 4, Прилеп и Кочани – по 3, Велес, Кавадарци, Штип, Радовиш и Дебар – по 2, Охрид, Ресен, Македонска Каменица, Македонски Брод и Пехчево – по 1.
Времето денеска ќе биде сончево и многу топло, претпладне со мала до умерена облачност. Ќе дува умерен до засилен ветер претежно од југозападен правец. Во попладневните и ноќните часови ќе има зголемена облачност, локален пороен дожд, грмежи и засилен ветер.
Поради летните одмори, Конкурсот за ангажирање на реонски попишувачи и инструктори во претстојниот Попис на населението, домаќинствата и становите во Република Северна Македонија, е продолжен до 12 август.
Се уште не е изгаснат пожарот на м.в. Липац во селото Горно Јачинце, информираат од Противпожарната единица Куманово. Командирот Дејан Илиевски, вели дека пожарот е на непристапно место и до него нема пат, поради што не може да се дејствива со возило, туку исклучиво рачно.
Жена од селото Челопек, Општина Старо Нагоричане се води за исчезната откако куќата во која живеела попладнево била зафатена со пожар. Мештаните се сомневаат дека таа настрадала кога се сокрила во подрумот обидувајќи се да се спаси од пожарот што го зафатил дворот, но никој официјално не ја потврдува информацијата.
Пожарот во кумановското село Мургаш повторно е активен, откако околу пладне бил ставен под контрола. Од Територијалната противпожарна единица Куманово, велат дека тие во текот на ноќта и утринава го изгаснале пожарот, но добиле дојава од мештаните дека тој повторно се разгорел.
Пожарот во селото Дренак, Општина Старо Нагоричане, се шири кон соседните села Аљинце, Жељувино и Дејловце, информираат припадници на полицијата кои се на терен.
Зачленете се во нашиот клуб на читатели и најновите текстови ќе ги добивате на вашата мејл адреса