Обвинетиот Игор Југ давајќи jа својата одбрана денеска пред судот кажа дека никој лично не го пратил на 27 април лани во Собранието, туку сите оние кои преку телевизија, емисии, обраќања, прес-конференции, изјави во весници го повикуваа народот да излезе на улица и да ја брани татковината, пренесува порталот СДК.МК.
На мерните станици во Куманово, Скопје – Бутел, Центар, Карпош и Ректорат, Кичево, Миладиновци, Струмица, Битола 1, Тетово и Кавадарци, е надмината вредноста на ПМ10 честичките од 100 микрограми на кубен метар во текот на два последователни дена, при што Министерството за животна средина ги извести Институтот за јавно здравје, Државниот инспекторат за животна средина, Град Скопје и единиците за локална самоуправа.
Проект вреден 3,2 милиони денари, за изградба на канализација и асфалтирање на улици во ромската населба Средорек, денеска промовираше министерот без ресор во Владата на Република Македонија, задолжен за имплементација на Стратегијата за подобрување на состојбата на Ромите во Република Македонија, Аксел Ахмедовски.
Во Изложбениот салон на Уметничката галерија при НУ – Куманово, вечерва со почеток во 19.30 часот, ќе биде отворена самостојна изложба, под наслов „Женски приказни“ нa ликовниот уметник Андријана Мациев.
Домот за стари лица „Зафир Сајто“ во Куманово, доби нова кујна по Хасап стандардите, откако беше реновирана старата. Вредноста на проектот е 92.000 евра, обезбедени од буџетот на институцијата.
Во голем пожар синоќа изгорел кат од викендичка во селото Студена Бара.
Денеска времето ќе биде сончево со мала до умерена облачност поголема во западните делови. По котлините ќе има услови за појава на магла, а преку денот ќе дува слаб југоисточен ветер.
Државата и општините да издвојуваат повеќе пари за субвенционирање и кредитирање на гасификацијата на домаќинставата и фирмите, ако сакаат широка примена на гасот за затоплување, апелираат екологистите.
Од оваа локална власт на СДСМ, не гледаме справување со енормното загадување во нашата општина, туку изјави од претседателот на Советот дека ситуацијата не е алармантна, пропратени со организација на скапи мега концерти и прослави.
Активот на жени на НСДП општинска организација Куманово, организира панел дискусија по повод „16 дена женски активизам“.
Општина Старо Нагоричане ангажираше 6 лица за помош на старците во извршување на дел од секојдневните обврски.
Министерот за локална самоуправа, Сухејл Фазлиу и амбасадорката на Србија во Република Македонија, Душанка Дивјак Томиќ, вчера на состанок со градоначалникот на Куманово, Максим Димитриевски разговараа за последните подготовки за отворање на канцеларија во Куманово, за имплементација на ИПА Програмата за прекугранична соработка меѓу Република Македонија и Република Србија.
Сообраќајот на патот Куманово-Крива Паланка е во прекин поради сообраќајна несреќа.
Сојузот на борците на Куманово, денеска со историски час го одбележа Денот на републиката - 29 Ноември.
Еден градежник загинал, а друг бил тешко повреден откако биле затрупани од одрон на земја, денеска во скопската населба Припор. Според првичните информации, животот го загубил 57-годишен скопјанец, а тешко бил повреден градежник од Куманово на возраст од 52 години.
Двајца кумановци и две лица од Дебар, заработиле кривични пријави поради закуп на простории за сместување на одделението за водење на матични книги – Куманово. Месечната кирија изнесувала 2000 евра, а буџетот е оштетен за 90.000 евра.
Зачленете се во нашиот клуб на читатели и најновите текстови ќе ги добивате на вашата мејл адреса