Одложено е доаѓањето на вакцините против ковид-19 од Србија, кое денеска требаше да се случи на граничниот премин Табановце. Одложувањето е поради потребата од усогласување на техничка документација при доставување на вакцини, објави доцна синоќа Владата.
Реконструкцијата на магистралниот пат Куманово-Војник ќе започне наредниот месец, најави министерот за транспорт и врски Благој Бочварски при денешниот увид во рехабилитација на втората фаза од државниот пат Куманово –Страцин, кој дел од патниот правец на Коридор 8.
Српскиот претседател Александар Вучиќ утре на граничниот премин Табановце, ќе му ја предаде на премиерот Зоран Заев првата пратка вакцини против ковид-19, соопшти Владата.
Премиерот Зоран Заев најави дека лично ќе застане зад кандидатурите на неколку актуелни градоначалници на локалните избори, затоа што е задовoлен од нивната работа. Меѓу нив и градоначалничката на Општина Старо Нагоричане, Жаклина Јовановска.
Педесет и петгодишен кривопаланчaнец загина откако со трактор излетал од патот.
Во тек е реновирање и враќање на автентичниот изглед на зградата на некогашниот „Хотел Солун“, кој се наоѓа на ул. „Иво Лола Рибар“ или т.н. Нагорички сокак. Моментално се работи во внатрешноста на приземниот дел на зградата. Проектот е финансиран од страна на ЕУ, преку СБС програмата за меѓугранична соработка, кој го реализира Општина Куманово заедно со Општина Дупница, од Република Бугарија.
Денеска во периодот од 12 до 14 часот без електрична енергија ќе остане Општина Старо Нагоричане, потоа Поштата и Полициската станица, како и домаќинствата во маалото Попчевци.
Во последните 24 часа регистрирани се 476 нови случаи на ковид-19, a направени се 2863 тестирања.
Општина Крива Паланка постави нов информативен портал на влезот на општинската зграда преку кој граѓаните ќе можат тековно и навремено да се информираат за сите настани и одлуки што ги носи локалната самоуправа и Советот на Општината.
Четири лица се повредени во сообраќајна незгода на магистралниот пат Куманово -Крива Паланка во атарот на село Псача, Општина Ранковце.
Општина Куманово објави оглас за избор на фирма којашто ќе работи на изградба на кракот кој ги спојува улиците „11 Октомври“ и „11 Ноември“.
Осумдесет и пет граѓани на Куманово ќе се соочат со парична казна затоа што не носеле заштитна маска на јавен простор.
Претседателот на општинската организација на Социјалистичка партија на Македонија(СПМ) во Куманово е избран за извршен секретар на седницата на републичкиот одбор.
Во последните 24 часа регистрирани се 75 нови случаи на ковид-19, a направени се 726 тестирања. По градови: Скопје – 45, Кавадарци – 11, Прилеп – 8, Струга – 3, Неготино, Тетово и Велес по 2, Куманово и Кочани по 1.
МВР поднесе кривична пријава и ги суспендира од работа полициските службеници Д.Д. (24) и Е.С. (29) од Полициската станица за безбедност на патниот сообраќај при СВР Куманово.
Територијалната противпожарната единица на Куманово(ТППЕ), доби нова опрема од Дирекцијата за заштита и спасување.
Зачленете се во нашиот клуб на читатели и најновите текстови ќе ги добивате на вашата мејл адреса