Двајца советници од коалицијата за подобра Македонија, Јордан Пачков од ВМРО-ДПМНЕ и Горан Стојковиќ од ДПСМ наскоро ќе го напуштат Советот на Општината Куманово.
Кумановската полиција поднеле кривична пријава и го спроведе Б.К.(43) од Србија, поради основано сомнение дека сторил фалсификување исправа и употреба на исправа со невистинита содржина.
Во меморијалниот центар Пелинце викендов заврши првиот детски ликовен камп „АСНОМ„ на кој учествуваа дваесетина ученици од основните училишта во градот. Талентираните дечиња од 5 до 8 одделение една недела создаваа уметнички дела во пет ликовни области и да се дружеа со своите врсници.
Во малата сала на Центарот за култура „Трајко Прокопиев„, концерт на класична музика ќе одржи Кирил Рибарски на тромбон и Милица Шперовиќ Рибарски на пијано.
Над 700 лажни азиланти биле вратени од граничниот премин Табановце, од почетокот на азилантската треска во Македонија затоа што немале уредна докуметација или доказ каде ќе патуваат.
Советничката група ВМРО-ДПМНЕ на денешната седница на Совет, повторно го актуелизираше прашањето за финансиското работење на „ЈП Водовод„, и во име на жителите од населбата Бабин Дол, побара одговор од надлежните во претпријатието, зошто при последната поплава во градот дозволиле со денови да тече вода со фекалии по улиците.
Цистерна за нафта попладнево слетала од надвозникот на магистралниот пак Куманово-Свети Николе во селото Проевце. При тоа тешко се повредени возачот С.С (26) и сопатникот З.С.(37) двајцата од Скопје, кои се пренесени во Ургентниот центар во Скопје.
Над 500 барања за обештетување пристигнале во општина Куманово за штети предизвикани од поројниот дожд и град што го зафати кумановскиот регион на почетокот на месецот. Од нив околу 80 се однесуваат на поплавени подрумски простории, а останатите отпаѓаат на уништени житни култури и овоштарници.
В.М. (44) од Куманово заработи кривична пријава затоа што ја истепал сопругата, а се заканувал дека ќе го убие и синот со секира.
Претставници од државната и локална администрација, како и невладиниот сектор денеска присуствуваа на обука за спроведување на Законот за спречување на дискриминација. Семинарот на тема „Заедно против дискриминација„, има за цел да ги даде насоките и основните правци за целосно и успешно справување со дискриминацијата.
Советот на Општината Куманово утре ќе одржи редовна седница на која советниците ќе расправаат по четири точки. На седницата предвидена за поставување на советнички прашања ќе се разгледуваат и три предлога за донесување на детални урбанистички планови.
Волонтерите од Америка кои преку организацијата „Хабитат“ престојуваат во Куманово, вчера го посетија Старо Нагоричане и се запознаа со културно-историското наследство на општината.
Општината Куманово ќе започне со дистрибуција на решенијата за данок на имот на физички лица за 2011 година.
Претставници од Центарот за развој на Североисточен плански регион и Областната администрација Ќустендил денеска го промовираа проектот од ИПА фондови за меѓугранична соработка меѓу Македонија и Бугарија.
Ељрон Х. (27) од Албанија вчера се удавил во езерото Глажња во селото Думановце, Липковско.
Истражен судија од Основниот суд Куманово му одреди 30 дена притвор на А.И. (43) и Ш.И.(27) за сторено кривично дело разбојништво. Пријавениот и неговата невенчана сопруга на 28 минатиот месец, кај Спомен костурницата го ограбиле М.Б.(79) од Романовце и му одзеле 3000 швајцарски франци и 300 евра.
Зачленете се во нашиот клуб на читатели и најновите текстови ќе ги добивате на вашата мејл адреса