Сопствениците на само десет проценти од вкупниот број на дивоградби во Куманово поднеле барање за легализација за бесправно изградени објекти. Во Секторот за урбанизам и комунални дејности во општината Куманово кажуваат дека досега се поднесени само 1400 барање, а на територијата на општината има регистрирано над 13 илјади дивоградби.
Во јавните средни училишта денеска започна првиот, јунски уписен рок. Полуматурантите денес и утре ќе се запишуваат во прва година средно образование во учебната 2011/2012 година.
Драгица Илиевска, психолог во Здравствениот дом Куманово синоќа беше избрана за координатор на Локалниот совет за превенција што во иднина ќе работи како независно тело за спречување на семејното насилство во Општината Куманово.
Осуммина претставници од кумановската Локална самоуправа се стекнаа со сертификатот за управување со државно градежно земјиште, кое од 1 јули годинава преминува во надлежност на локалните самоуправи.
Женскиот центар „Жена на 21 век„ по формирањето на Локалениот совет за превенција од семејно насилство треба да избере раководство кое ќе ги координира активностите на новото тело.
Во центарот за култура „Трајко Прокопиев„ синоќа беше отворена изложбата на цртежи на дечињата од детската градинка „Синоличка„.
На наплатната рампа Куманово во возило со бугарски ознаки во фабричките шуплини под патосниците, помеѓу предните и задните седишта се пронајдени: 152 пудри за лице, 20 диоптерски стакла за очила, 20 рамки за очила,7 парфеми-тестери и 5 парфеми.
Во тешка сообраќајна несреќа што денеска напладне се случила на влезот во Крива Паланка животот го загубија Слаѓан Митровски (34) од Крива Паланка и Санде Цветковски (55) од селото Конопница.
Словенечко-македонскиот бизнис клуб и општина Куманово,организираа бизнис промоција на словенечко и македонско стопанство.Промоцијата на производите и услугите кои ги нудат членките на клубот се одржа на Градскиот плоштад.
Д.А. (33) од селото Романовце ја грабнал и истепал поранешната девојка З.Н.(35), по што неколку часа ја држeл затворена за да ја убеди да не го пријави во полиција.
Митрополит Кумановско-полошки, господин Кирил во сослужение на повеќе свештеници и ѓакони, вчера по повод патрониот празник служеше Света Божествена Архиерејска Литургија во црквата Св. Троица.
Три комисии формирани од локалната самоуправа ќе ги проценуваат штетите од невремето што пред неколку дена го зафати кумановско. Според информациите од Општината, комисиите од утре ќе излезат на терен да ја утврдат фактичката состојба по пријавите на граѓаните.
Почнувајќи од утре, па во наредните неколку денови, матурантите ќе ги полагаат испитите од државната матура, односно училишната матура и завршен испит.
Во Куманово утре ќе се одржи Бизнис ден за промоција на словенечко- македонското стопанство.
Во Центарот за култура синоќа беше отворена традиционалната изложба "Самоуки 2010".На манифестацијата годинава се претствија осумнаесет уметника со по две слики, работени во најразлични техники.
Српската напредна странка денеска на прес конференција се заблагодари на граѓаните што гласаа за опозиционата коалиција, нивната партија да стане дел од законодавниот дом.
Зачленете се во нашиот клуб на читатели и најновите текстови ќе ги добивате на вашата мејл адреса