Последнава недела Брзата помош секој ден има по дваесет интервенции. Во 90 одсто од случаите Итна помош повикуваат хронично болните луѓе. По две екипи работат во дневна и ноќна смена.
Непознати лица украле златен накит во куќата на Х.С.(54) од Куманово.
Граѓаните кои живеат на улиците „Браќа Филиповиќ„, „Никола Тесла„, улица „11„ во населбата Јане Сандански и улица „400„ во населбата Иго Тричковиќ, поради дефект на водоводната мрежа утринава се без вода.
Според православниот верски календар, денеска се празнува Света Троица. Во кумановските села Скачковце, Вакав, Облавце и Четирце, Света Троица е селска слава.
Обдукцискиот наод од Инситутот за судска медицина што попладнево пристигнал во Судот, покажал дека на телото на починатиот Томе Пешевски нема траги од насилство.
На 1500 граѓани општината ќе им ги покрива трошоците за вода, а на 890 семејства ќе им се плаќаат сметките за ѓубре.
Б.М.(31) од село Долно Којнаре, М.Н.(34) од село Четирце и А.К.(62) од Куманово колеле добиток на диво во близина на Сточниот пазар во Куманово.
Од ЛДП тврдат дека анализите на Меѓународната организација за работа во Женева покажале дека состојбата со невработеноста во Македонија станува се полоша и дека 30,9 одсто од младите и работоспособни граѓани се без работа, односно пола милион млади се на товар на родителите.
С.Ц.(55) вчера напладне се обидела да го убие нејзиниот сопруг П.Ц (58) удирајќи го со чекан по главата.
Кумановската болница пред една година доби компјутерски томограф, а од декември тој интензивно се употребува.
Министерството за земјоделство распиша конкурс за распределба на земјоделско земјиште кој ќе трае до 16 јуни.
Томче Пешевски (33) од Куманово утринава бил пронајден мртов во дворот на семејната куќа на улицата „Миле Кипра„ во близина на т.н. Бунарче во Куманово. Тој бил удрен со тврд предмет во главата, а облеан во крв во 5.40 часот го пронашле соседите.
Кумановската полиција поднесе кривична пријава против Б.Т.(41), благајник во ЈП „Водовод“ Куманово за сторени кривични дела проневера во службата и фалсификување или уништување деловни книги и Г.С.(51), одговорно лице во истото претпријатие за кривично дело злоупотреба на службената положба и овластување .
Затворениот базен и спортската сала во населбата Перо Чичо се два големи капитални објекти на Општината, на кои интензивно се работи за што побрзо да се предадат во употреба. Двата објекта заедно чинат над 3 милиони евра.
Денеска основното училиште “Кочо Рацин“ го празнуваше 67- от патронен празник. По тој повод беше организиран прием за гостите и креативен саем.
Во националните медиуми деновиве беше изнесен податокот дека скопските и кумановските пазари се најскапи во државата.
Зачленете се во нашиот клуб на читатели и најновите текстови ќе ги добивате на вашата мејл адреса