Од опшинската организација на ГРОМ Куманово, денеска на прес-конференција побараа од министерот за внатрешни работи Оливер Спасовски да се повлече од листата на кандидати за пратеници во изборната единица 2 или да си поднесе оставка на функцијата, бидејќи двете работи се неспоиви според Пржинскиот договор.
Во Куманово во зиминатите 24 часа наврнаа 38 литри на метар квадратен.
Со закани и бркање од работа, раководството на фабриката за челични конструкции „Стил Кон“ во Куманово ги тера вработените да го прекинат штрајкот што пред три дена го започнале поради неисплатени плати и придонеси, тврдат работници од фабриката.
Жител на кумановското село Габреш вчера попладнето го загуби животот откако му се превртел тракторот со кој орал.
Бекир Незири (42) од Витина, Косово, државјанин на Република Франција, осуден е на 18 години затвор затоа што го убил таткото на поранешната сопруга и го ранил нејзиниот брат во кумановската населба „Тоде Мендол“.
Советот на општина Куманово утре ќе ја одржи 59-тата седница.
Вработените во дневниот весник „Утрински весник" денеска од менаџментот на компанијата што го издава весникот, „Медиа принт Македонија", добиле ваков ултиматим - или 10 новинари да останат без работа или весникот од утре се затвора, пренесуваат скопските портали.
Над 200 лекари од Општата градска болница „8 Септември“, денеска од 13 до 14 часот протестираат пред болницата, пренесува порталот мкд.мк.
Здружението на угостители до Советот на општината Куманово поднесе иницијатива за одржување на празнични ноќи на 11 и 12 ноември, денoвите на прослава на Денот на градот.
Граѓаните на Куманово ја поддржаа акцијата на Жито Лукс за помош на детскиот оддел од Општата болница Куманово.
Осумнаесетгодишна девојка исчезнала пред два дена од нејзиниот дом во липковското село Никуштак.
Во Центарот за култура “Трајко Прокопиев„ вечерва ќе се одржи концерт на класична музика во чест на познатиот композитор Трајко Прокопиев.
Оливер Спасовски, Максим Димитриевски, Лидија Тасевска, Жалкина Јовановска и Мартин Захариев, се членови на општинските организации на СДСМ Куманово и Старо Нагоричане, кои се најдоа на листата на пратеници во втората изборна единица за парламентарните избори на 11 декември.
Три маскирани лица вчера во 20.50 часот нападнале и ограбиле пензионер во селото Отља.
Адвокатката Оливера Доцевска од Куманово, која започна постапка за собирање на потписи за независна листа пратеници во втората изборна единица изборите на 11 декември, бара од Државната изборна комисија да го продолжи рокот за собирање на 1000 потписи.
Една девојка е тешко повредена и пренесена на лекување на скопските клиники, а уште 4 лица се задржани во Кумановската болница, по тешката сообраќајната несреќа на раскрсницата на бул.„Трета Македонска ударна бригада“ и .„Октомвриска Револуција“ во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса