Над 400 кумановци се вратени од западно-европските држави каде заминале да бараат азил. Најбројни се Ромите, дури 80 проценти, 15 проценти се Албанци и 5 проценти Македонци. По градови најмногу азиланти имало од Битола, Шуто Оризари и Куманово.
На денешната седница на Советот се верификуваа мандатите на двајца нови советници - Наташа Стошевска од советничката листа на ВМРО-ДПМНЕ, инаку правник во Центарот за социјални работи и Небојша Томовиќ од Демократската партија на Србите во Македонија, вработен во „ЈП Пазариште„.
Во Центарот за култура „Трајко Прокопиев„ утре вечер ќе биде отворена Меѓународна изложба на уметничка фотографија „Фото Фокус 2011„.
Во дворот на техничкото училиште „Наце Буѓони„ во Куманово веќе десетина дена интензивно се работи на изградба на современ полигон за атлетски спортови.
Општината Куманово купи 2 хектари земјиште за проширување на Градските гробишта. Новите парцели се наоѓаат од двете страни на патот зад црквата во селото Биљановце.
Почитувана полицијо! Многу си ревносна и исполнителна кога треба да изрекуваш казни за сообраќајни прекршоци што, во крајна линија е в ред. Но, ај те молам, сврти ги очите и кон сопствениците на крнтии и други моторни возила означени со известувања дека ,,се продава‘‘ што ги има на стотици во сите делови на градов.
Лазар Таневски (57) од Куманово е првиот производител на нафта на Балканот од преработка на стара пластика. Овој сопственик на отпад, успејал во својот погон дневно да произведе над 300 литри нафта, или за пет дена колку што работи пробното производство 1,5 тон гориво со висок квалитет.
Со прикажување на францускиот филм "Луѓе и богови" од режисерот Гзавие Бовоа синоќа започна манифестацијата "Кумановско културно лето 2011". Во Младинскиот културен центар "Козјак" на отварањето на филмска ревија на француски филмови присуствуваше амбасадорот на Франција во Македонија, Жан Клод Шлумберже и градоначалникот Зоран Дамјановски.
Центарот за меѓукултурен дијалог утре на Градскиот плоштад организира Отворен ден. Манифестацијата ќе трае од 18 до 20 часот, а во неа можат да се вклучат граѓаните.
Регионалниот центар за одржлив развој од Кратово ја презентираше публикацијата "Транспарентни општини-задоволни граѓани"во која се објавени резултати од шест месечен мониторинг на работата локалните самоуправи.
Општината Куманово има добар меѓународен кредитен рејтинг, што значи дека добро го менаџира буџетот, нема долгови и има фискален капацитет. Истовремено тоа покажува дека општината може да се носи со странски задолжувања и кредити за изградба на одредени инфраструктурни проекти.
Во хотелот Лав, синоќа беше отворена изложбата на слики од ликовната колонија „Зебарњак„. Дваесетина дела, главно масло на платно на уметници од Македонија и Србија беа претставени пред граѓаните.
Од средината на овој месец ќе започне зонското паркирање во Куманово, и граѓаните ќе плаќаат за користење на паркинг простор во централното градско подрачје.
ЈП „Чистота и Зеленило„ отвори цвеќарница на Градскиот плоштад. Над стотина видови на саксиско, режано и зимзелено цвеќе ќе можат граѓаните да најдат во современо опремениот простор.
320 лица заболени од акутна дијареа и труење со храна се евидентирани во Центарот за јавно здравје во текот на овој месец.
Утре ќе се одржи редовна седница на Советот на Општината Куманово. Советниците ќе расправаат по 15 точки на дневен ред, од кои 7 се предлог-одлуки за донесување на делови од деталниот урбанистички план.
Зачленете се во нашиот клуб на читатели и најновите текстови ќе ги добивате на вашата мејл адреса