Унијата на жени на ВМРО-ДПМНЕ Куманово, во соработка со Хофмон Ларош и Здружение на остеопоротичарите на Република Македонија, организира трибина на тема „Остеопороза кај женската популација и начин како да се справиме со неа„.
„Името на жената запишано на ѕвезденото небо„, беше насловена презентацијата што ја одржаа учениците и професорите по физика од Техничкото училиште „Наце Буѓони„, откако учествуваа на едукативни работилница организирана од природно-математичкиот Факултет и Астрономското друштво.
Здружението на пензионерите од Куманово отвори клуб во населбата Карпош. Во клубот ќе се реализираат повеќе спортски и рекреативен активности, со цел оваа група на граѓани креативно да го исполнува слободното време.
Жителите на селото Табановце вчера се сретнале со претседателот на Собранието Трајко Вељановски, откако го начекале на патот, додека тој се враќал од посета на селото Сопот и побарале од него да им помогне во решавање на проблемот со клучката на новиот автопат.
Бугарската Централна Кооперативна Банка се пријавила да ја купи Статер банка, поранешна КИБ од Куманово.
Семејството Насевски од населбата „Перо Чичо„, чиј син во септември мината година беше пронајден мртов во м.в.„Гладно поле„, бара од Судот во Куманово докрај да ги испита околностите под кои Сашо (21) починал,бидејќи се сомневаат во резултатот од обдукцискиот наод.
По две преспени ноќи на железничката станица во Брисел и уште десетина дена поминати во сместувалиште, Тасим Весели не успеал да добие азил се врати во своето село Липково.
Здружението „Достоинство“ во недела на 14 март во 12 часот во Универзална сала во Скопје ќе го одржи четврто Генерално Собрание.
Александар Краљевски е новиот претседател на ЛИДЕМ. На синоќешното изборно Собрание тој едногласно ја доби подршката на делегатите. За потпретседатели се избран Драган Миленковски и Сашка Левковска, а секретар Филип Јаневиќ.
Секторот за култура и спорт до крајот на март ќе реализира неколку програмски содржини подржани од Советот на Куманово, и со тоа ќе го заврши првиот квартал од годишната програма.
Над стотина разни производи, меѓу кои: термоотпорно стакло, рачки за шпорети, термостат, грејачи и гумички за бојлери и другa стока е откриена при царински преглед на товарно моторно возило со српски регистарски ознаки, управувано од српски државјанин.
Либерално демократската младина на Куманово утре ќе го одржи шестото редовно собрание, на кое се бира ново општинско раководство.
Државниот секретар за имиграција и азил на Белгија, Меркол Ватела со својот колега од МНР Мемеди, денеска ќе го посетат Липковскиот регион.
Во селото Матејче во напуштена куќа била пронајдена неексплодирана граната од Втората светска војна. Екипите од Дирекцијата за заштита и спасување,добила информации од полициската станица Матејче и веднаш ја отстраниле гранатата.
Будимир Спасовски (44) од Куманово, кој една година работел на обезбедување на американската војска во Кабул, пред два дена бил пронајден мртов во собата каде спиел.
Стотина кумановки денеска со марш низ центарот на Куманово го одбележаа 8 март, Меѓународниот ден на жената. Маршот беше во организација на Локаланиот клуб на жени на СДСМ, насловен како „110 години борба - за 4 години 110 чекори назад“.
Зачленете се во нашиот клуб на читатели и најновите текстови ќе ги добивате на вашата мејл адреса