Бензините од ноќеска на полноќ поскапуваат за половина денар по литар, а цената на дизелот останува иста, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,55 отсто.
Во СВР Куманово, вчера во 19.05 часот, било пријавено дека во угостителски објект на бул.„Октомвриска револуција“ има граѓани кои не ги почитуваат здравствените прописи за време на епидемија.
Над 40 кумановки се наоѓаат на листата на успешни директорки, раководителки, советнички и претседателки, кои водат и претставуваат значајни институции и претпријатија од кои зависи развојот и стабилноста на градот. Од година во година нивниот број се зголемува, па се почесто доаѓаат на функции за кои отсекогаш се сметало дека не можат да ги извршуваат жени.
Комисијата за заразни болести предлага воведување на полициски час од 22 часот навечер до 5 часот наутро, на територија на цела држава започнувајќи од среда, соопшти министерот Венко Филипче.
Во последните 24 часа се регистрирани 333 нови случаи на ковид-19 од направени 2.259 тестирања, соопшти Министерството за здравство.
Полициски службеници од СВР Куманово, вчера во 22.30 часот извршиле контрола во чајџилница на ул. Карл Маркс во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време.
Полициските станици за безбедност во патниот сообраќај во Тетово, Гостивар, Куманово и Охрид започнаа со употреба на камери за регистрирање на контактот со граѓаните. Од МВР ги повикуваат граѓаните да ја оценат нивната работа преку анкета.
Црквите „Св. Ѓорѓи Победоносец“ во Младо Нагоричане и „Воведение на Пресвета Богородица“ во Карпино и ќе добијат вкупно 1,4 милиони денари од државата за заштита на иконите и иконостасите.
Во последните 24 часа регистрирани се 843 нови случаи на ковид-19, а направени се 3.519 тестирања.
Во фоајето на Центарот за култура “Трајко Прокопиев“, денеска беше отворена изложба на фотографии „Жената и фотографијата“, која по осми пат ја организира Фото клуб Куманово, во чест на Меѓународниот ден на жената - 8 Март.
Во пресрет на Меѓународниот ден на жената, 8 Март, ден кој ја означува борбата на жената за економска, политичка и социјална рамноправност со мажите, со големо задоволство ќе истакнам дека Куманово е град со најголем број жени на раководни позиции. Посебно сакам да нагласам дека при нивниот избор најважна беше нивната стручност, способност и постигнати резултати во професијата, кажа претседателката на Форумот на жени на СДСМ Куманово, Соња Тодоровска, на денешната прес-конференција.
Во СВР Куманово вчера во 13 часот било пријавено дека на улица „Доне Божинов“ во Куманово, Д.Г.(39) паднал додека извршувал градежни активности на објект.
Министерот за внатрешни работи Оливер Спасовски, по повод Меѓународниот ден на енергетска ефикасност, денеска направи увид во градежните активности на зградата на СВР Куманово. Реконструкцијата почна пред еден месец, а предвидува замена на кровната конструкција, инсталацијата, столаријата, санитарни јазли, а ќе се постави инсталација за приклучок на гас.
Министерството за внатрешни работи ја информира јавноста дека од страна на Интерпол е добиена информација дека на профили на социјалната мрежа „Тик Ток“ во Русија и Израел се забележани повици за самоповредување на малолетни лица.
Одделот за внатрешна контрола, криминалистички истраги и професионални стандарди поднесе кривична пријава против Д.К.(40) од Куманово – полициски службеник во Полициската станица Куманово, поради постоење основано сомнение за сторено кривично дело „малтретирање во вршење на службата“.
Од вчера Општина Куманово почна со реконструкција и пробивање на кракот од улица „11 Ноември“ кон улицата „11 Октомври“ во центарот на Куманово.
Зачленете се во нашиот клуб на читатели и најновите текстови ќе ги добивате на вашата мејл адреса