Министерот за внатрешни работи Оливер Спасовски, ги повика граѓаните доколку било кој врши притисок врз нив или ги заплашува во врска со гласањето во недела, тоа да го пријават во најблиската полициска станица.
Опшина Куманово и Свероисточниот регион ќе го добие првиот дневен престој за ученици со посебни потреби од основните училишта.
Кумановската полиција до ОЈО Куманово, поднесе кривична пријава против Г.Ј.(43) од Скопје поради постоење основи на сомнение за сторено кривично дело „злоупотреба на службена положба и овластување“, казниво по член 353 став 3 и став 5 од Кривичниот законик на Република Македонија.
Велосипедските патеки на булеварот „Октомвриска револуција“ ќе се оградат со пластични столбчиња, за да се обезбеди простор за непречено движење на велоспедистите.
Стечајните работници ќе го подржат референдумот за договорот со Грција и членство во ЕУ и НАТО, затоа што сметаат дека тоа дава перспектива за младите генерации и за државата.
Имаме граѓанска одговорност да донесеме правилна одлука, да излеземе и со нашиот глас да придонесеме кон заедничка и подобра иднина, порача претседателот на општинската организација на ЛДП Куманово Ивица Костовски, повикувајќи ги граѓаните да дадат подршка на престојниот референдум.
Кумановската полиција поднесе кривична пријава против Б.И.(31) од село Сингелиќ, скопско, поради постоење основи на сомнение за сторено кривично дело „вршење јавен превоз без поседување лиценца“.
Претседателот на Општинската организација на СДСМ во Куманово, Мартин Костовски ги повикува своите сограѓани на 30. септември да гласат на референдумот за подобра иднина за нивните деца, бидејќи имаат обврска да помогнат Македонија конечно да тргне напред.
МВР ги известува граѓаните дека сите Одделенија за управни работи ќе работат во сабота и недела(29 и 30.09.2018).
Eвроамбасадорот Самоил Жбогар и хрватската амбасадорка Данијела Баришиќ, вчера вечер учествуваа на трибина „ЕУ за тебе“ во Куманово.
Во организација на Делегацијата на ЕУ Скопје, денеска во Куманово се одржа работилница за достапноста на ЕУ фондовите, на која присуствуваа претставници од општината, училиштата, институциите, граѓанскиот сектор и бизнис заедницата.
Кумановскиот градоначалник Максим Димитриевски, добил закани по смс пораки од свој сограѓани, поради што случајот го пријавил во полиција.
Советникот од НСДП, Благојче Јакимовиќ, смета дека е со подршка на референдумот ќе се создат услови за отворање на преговорите со ЕУ, а со исполнување на домашните обврски и реформи се создава функционална држава во која владеат редот и законот и во која институциите ќе бидат сервис на граѓаните.
Секој глас „за“ носи повеќе странски инвестиции и повеќе фондови, повисоки плати, нови работни места, влог во инфраструктурата, посочи членот на надзорниот одбор на СДСМ, Марјан Спасовски.
Големото невреме, проследено со силен ветар, што вчера попладне го зафати Куманово, откорна неколку дрвја и кршeше стебла и гранки во градот и приградските населби.
Искршени се стаклата на два штаба на СДСМ во Куманово. Случајот е пријавен во полицијата денеска во 10.40 часот.
Зачленете се во нашиот клуб на читатели и најновите текстови ќе ги добивате на вашата мејл адреса