Надворешната канцеларија за криминалистички работи Крива Паланка поднесе кривичнa пријавa против О.М.(36) од Крива Паланка и Д.А.(51) од Скопје, поради постоење основи на сомнение за сторено кривично дело „измамување на купувачи“ и „фалсификување исправа“.
Екипи на ЕВН денеска ќе влезат во липковското село Слупчане за да го отстранат дефектот на електричната мрежа, поради што од вчера нема струја во 4 села. Договорот е постигнат со посредство на високи функционери од централната и локална власт во Липково, односно минситерот за економија Крешник Бектеши и градоначалникот на Липково Еркан Арифи.
Жители на липковското село Слупчане вчера се обиделе сами да ја приклучат струјата која им била исклучена во текот на денот, поради што направиле голема штета на системот и оставиле без струја уште неколку околни села. Од синоќа, струја немаат ни селата Оризаре, Ваксинце и Лојане.
На 7 и 8 јули во Кратово ќе се одржи фестивалот „Златни денови Кратово 2023“ со богата културно-уметничка програма и настап на врвни македонски естрадни уметници од народната и рок-поп музиката.
Крива Паланка е една од општините од кои се уште нема доставено ниту една пријава до Комисијата за спречување и заштита од дискриминација (КСЗД), иако генерално граѓаните се повеќе се охрабруваат и го пријавуваат прекршувањето на нивните права, беше истакнато на отворениот ден на Комисијата во Крива Паланка.
Во галеријата на Осоговскиот манастир синоќа беше отворена изложба на создадените уметнички дела од учесниците на 37-та Меѓународна ликовна колонија „Свети Јоаким Осоговски“, која традиционално се одржува во овој манастирски комплекс кај Крива Паланка.
Меѓународна научна конференција посветена на историјата, традицијата и културата на Крива Паланка и Кривопаланечко (Славиште), како и на соседните региони во времето на владеењето на Отоманската Империја од XV до XIX век ќе се одржи денеска и утре /петок и сабота/ во Крива Паланка.
Започна 37-то издание на Меѓународната ликовна колонија „Свети Јоаким Осоговски“ , која традиционално се одржува во Осоговскиот манастир кај Крива Паланка.
Владата донесе одлука за прогласување на кризна состојба во Општина Крива Паланка, поради штетите нанесени од силното невреме и ќе даде поддршка за справување со последиците од поплавите.
Воведена е привремена забрана за движење на возила и пешаци на локалните патните правци кон излезот на градот и кон манастирот Св. Јоаким Осоговски во Крива Паланка, поради штетите нанесени од силното невреме што вчера ја погоди општината.
Излевањето на Крива Река и поголемите долови од обилните врнeжи што вчера попладне ја зафатија Општина Крива Паланка предизвикаа големи штети во градското подрачје и околните села. Поплавени се куќи, патишта, мостови, возила , а дел од селските населби се отсечени поради свлечишта и одрони.
Повеќе свлечишта и одрони се регистрирани на подрачјето на Општина Крива Паланка, која деновиве беше зафатена од обилни врнежи од дожд.
Општина Крива Паланка ќе донира 100.000 денари како солидарна поддршка и помош за Општина Делчево, која деновиве беше погодена од бројни штети предизвикани од поројните дождови.
Техничка документација за доизградба на главниот колектор и проект за пречистителна станица за отпадни води ќе изработи Општина Крива Паланка во наредниот период со поддршка од Министерството за животна средина и просторно планирање.
До крајот на месецот ќе започне санација на патот кон манастирот Карпино во должина од 2.400 метри, во селото Сув Ора, Општина Старо Нагоричане.
Во Градскиот музеј во Крива Паланка денеска беше отворена ретроспективна изложба на еден од најзначајните современи македонски ликовни уметници Владимир Георгиевски (1942-2017), на која се поставени 20-тина дела од неговиот богат творечки опус.
Зачленете се во нашиот клуб на читатели и најновите текстови ќе ги добивате на вашата мејл адреса