Продолжување на добрата соработка и поголема транспарентност во интерес на јавноста беше договорена на брифингот на новинарите од локалните медиуми и дописниците со новиот началник на Кумановската полиција, Бранко Ракиќ.
Од почетокот на годината во Центарот за јавно здравје (ЦЈЗ) во Куманово регистрирани се два нови случаи на новозаразени од ХИВ/СИДА. Новоинфицираните се од Куманово и Крива Паланка.
Унијата на жени на ВМРО-ДПМНЕ ОК Куманово организираше трибина во Занаетчискиот дом во Куманово на тема „Кажи НЕ на насилството над жената и семејното насилство“. Трибината се одржа по повод меѓународна кампања „16 дена активизам против родово базирано насилство“.
Од ноќеска по полноќ ќе се намали цената на дизел горивото за 2 денари по литар. Цените на останатите горива не се менуваат, соопшти Регулаторната комисија за енергетика.
Уставниот суд на денешната седница одлучи неделата да остане неработен ден.
Претседателот на СДСМ и премиер Димитар Ковачевски, синоќа во Куманово на трибината „Силно и одлучно кон иднината“, пред членовите и и коалиционите партнери дадe отчет за сработеното во изминатите 10 месеци, и ги најави плановите и развојните стратегии за идната 2023 година.
Двајца кумановци се приведени во полицијата под сомнение дека одземеле предмети од контејнери од воз на Железничката станица во Куманово.
Кумановци беа прелажани од подлата игра на Максим Димитриевски и ВМРО-ДПМНЕ. Затоа на наредните избори ќе ја исправиме грешката и ќе го вратиме СДСМ на пиедесталот, а Димитриевки и ВМРО ќе ги вратиме таму каде што им е местото во политичка пензија, порача Александар Тушевски, претседател на Општинската организација на СДСМ Куманово на трибината „Силно и одлучно кон иднината“, која синоќа се одржа во Центарот за култура во Куманово.
По две години ќе отпочне постапката за реконструкција на кровот на зградата на основните училишта „Крсте Мисирков“ и „Браќа Миладиновци“ во Куманово. На вчерашната седница Владата го прифати предлогот на Министерството за образование и наука да распише тендер за избор на фирма која ќе ја изврши реконструкција.
Еден полицаец е повреден во вчерашниот пожар што избувнал во една од собите во притворското одделение во Казнено поправната установан „Куманово“, затвор К'шање. Полицаецот е задржан во Кумановската болница поради вдишан чад и денеска ќе биде пуштен на домашно лекување.
Миле Андоновски од Партијата на пензионерите од денеска е нов член во Советот на Општина Куманово. Тој доаѓа на местото на Мартин Захариев од СДСМ, кој поднесе оставка поради преселба во странство.
Започна исплатата на ноемвриските пензии преку банките, филијалите и експозитурите соопштуваат од Министерството за труд и социјална политика.
Цената на природниот гас се зголемила за 3-пати во однос на декември минатата година, заради што голем дел од корисниците ги откажаа услугите на ЈП Куманово гас.
Во кружната сала на зградата на поранешните општествено – политички организации утре ќе се одржи 15. седница на Совет на Општина Куманово. На дневен ред се 27 точки, меѓу кои финансиски извештаи на јавните претпријатија, предлог - одлуки за нови вработувања според годишниот план, квартален извештај за реализација на буџетот и др.
Целосно бесплатен јавен превоз за сите 26 линии за 2023 година размислува да воведе Општина Куманово, но бара мислење од граѓаните дали ваквата мерка е оправдана за време на енергетската криза.
Основниот суд во Куманово му определи притвор во траење од 30 дена на 23-годишник од Велес, со привремено престојувалиште во Куманово, кој е осомничен за кривично дело – разбојништво од член 238, став 1, од Кривичниот законик.
Зачленете се во нашиот клуб на читатели и најновите текстови ќе ги добивате на вашата мејл адреса