Советот утре ќе ја одржи последната седница во овој состав

Членовите на Советот на Општина Куманово утре ќе ја одржат последната седница, по што им престанува мандатот. Новиот советнички состав ќе се конституира по завршување на локалните избори на 17 октомври, за кои во тек е предизборна кампања.

Илиевски: Населбата Перо Чичо ќе добие детска градинка

Кандидатот за градоначалник на Куманово од коалицијата на СДСМ, заедно со потпретседателот Оливер Спасовски, попладнево оствари средба со жителите на населбата „Перо Чичо“. Притоа најави дека доколку ја добие поддршката на граѓаните за прв човек на градот, со помош на централната власт планира да изгради детска градинка во населбата.

Тодоровска:Ќе отвориме регионален ресурсен центар и спортска сала за лицата со попреченост

Кандидатката за советничка од граѓанската иницијатива „За наше Куманово“ Тања Тодоровска, најави дека еден од врвните приоритети во идниот мандат во Советот на Општина Куманово ќе биде подобрувањето на квалитетот на лицата со попреченост. 

Поднесена кривична пријава за чување и отуѓување на диво животно

Oд Одделот за криминалистичка полиција – Сектор за општ криминал во координација со полициски службеници од СВР Куманово го лишиле од слобода С.А.(31) од Куманово, поради постоење основи на сомнение за сторено кривично дело „неовластено ловење, чување и отуѓување на диви животни“, по член 228, став 1 од Кривичниот законик.

Формирање на фармерски зони и развој на селските стопанства во туристички цели, најави Ефтимовски

 Човекот е главен потенцијал на секоја економија, но поддршката за локалната економија како да не постои, а руралните средини се заборавени. Неприфатливо е град на индустиријата, економски да стагнира и да не се поддржуваат малите и средните бизниси, занаетчиите, селските стопанства. Затоа нудиме конкретни мерки и ќе се залагам тие да се спроведат, кажа носителот на советничката листа на ЛДП и ДОМ ,Валентин Ефтимовски, на денешната прес-конференција.

Давидовиќ најави пешачка зона од училиштето „Браќа Миладиновци“ до крајот на „Ленинова“

Центарот на Куманово, е слика и прилика за тоа како СДСМ 30 години управувува со општината. Како и повеќето места во Куманово, централното градско подрачје, воопшто го нема сјајот и изгледот на една модерна општина. Како резултат на децениското неработење и неодговорноста на локалната власт секаде околу нас можеме да видиме слики од депонии, неуредени и нечисти површини, згради со распаднати фасади, недостиг на функционален простор за непречено движење на граѓаните и многу други проблеми и недостатоци кои со години не се решаваат, кажа на денешната прес-конференција Милан Давидовиќ од ВМРО-ДПМНЕ.

Калин Илиевски е новата ѕвезда на гимнастиката во Куманово (видео)

Малиот Калин Илиевски е новата надеж за гимнастиката во Куманово. На само 6 години и по две години тренирање тој го освои својот прв златен медал на Државното првенство во гимнастика, во категоријата помлади пионери. 

Четворица починати и 49 новозаболени од коронавирус во Куманово

Направени се 3.337 тестирања, а регистрирани се 399 нови случаи на ковид-19. 

За 6000 денари да се намалат паушалите на советниците предлага Димитровска

Членовите на новиот состав во Советот на Општина Куманово да добиваат понизок паушал предложи на денешната прес-конференција кандидатката за градоначалничка на коалицијата на ЛДП и ДОМ, Теодора Димитровска. 

Величковска најави стипендии за најдобрите средношколци и спортисти

Младите во Куманово веќе со години не гледааат иднина во својата општина. Како резултат на штетните политики на локалната власт, младите се целосно исклучени од јавниот живот, истакна Невена Величковска, кандидатка за советничка од ВМРО-ДПМНЕ.

Кампања за зголемување на свеста за опасностите од споделување фото и видео материјали на Интернет

Сексуалната злоупотреба на деца на Интернет остава далекусежни последици врз жртвата, која мора да живее со сознанието дека фотографиите и видеата добиени преку злоупотреба на довербата може да се шират на Интернет во секое време и да бидат достапни за секого. 

Градска кујна и стационар за кучиња скитници вети Стојановски

Кандидатот за советник од граѓанската иницијатива „За наше Куманово“ Дејан Стојановски, денеска одржа прес-конференција на која ги најави идните проекти кои се предвидени во програмата на оваа иницијатива, а се однесуваат на унапредување и подобрување на социјалната заштита на територија на општина Куманово.

Лазаревски најави паркови, дрвореди, детски катчиња, уредување на речното корито во населбата „Панче Пешев“

Населбата „Панче Пешев“ претставува една од најурбаните населени места во Општина Куманово. Во нашата програма „Најдоброто за Куманово“ во мандатниот период од 2021 до 2025 година планираме бројни проекти за целосно решавање на комуналните проблеми со кои се соочуваат жителите на оваа населба, кажа Александра Лазаревски, кандидат за член на Советот на Општина Куманово. 

8200 ученици од основните и средните училишта ќе бидат опфатени во престојниот скрининг

Со согласност од родителите, учениците во основните училишта од прво до петто одделение, како и од шесто до деветто одделение и учениците од средните школи ќе бидат тестирани за присуство на вирусот ковид-19. 

Затворен пунктот за масовна имунизација во Бедиње, вакцинацијата продолжува во „Уред“

Пунктот за масовна имунизација во спортската сала во населбата Бедиње повеќе нема да функционира. Вакцинацијата продолжува во Здравствениот дом, познат како „Уред“. 

Бензините поскапуваат за еден и пол, а дизелот за два денари

Малопродажните цени на бензините еуросупер 95 и еуросупер 98 се зголемуваат за 1,5 денар, додека на еуродизелот за два денари, соопшти денеска Регулаторната комисија за енергетика.