Авангардноста и прогресивноста на движењето коешто го застапувам како кандидатка за градоначалничка на општина Куманово, се огледа токму од фактот дека јас како најмлада сум кандидирана да бидам претставник во една од најголемите општини во нашата држава, кажа на денешната прва прес конференција на почетокот на кампањата, кандидатката за градоначалничка од ЛДП и ДОМ, Теодора Димитровска.
Граѓанската иницијатива „За наше Куманово“ вечер ќе одржи предизборна конвенција на која ќе ги претстави кандидатот за градоначалник и листата на советници. Конвенцијата ќе одржи на Градскиот плоштад со почеток во 19.30 часот.
Општинската организација на СДСМ и коалицијата, денеска попладне ќе ја започне кампањата за локалните избори со претставување на кандидатот за градоначалник и советничката листа пред граѓаните на Куманово.
Изборната кампања за локалите избори закажани за 17 октомври почнува денеска (27 септември) и ќе трае 20 дена, односно до 15 октомври пред полноќ.
Во Центарот за јавно здравје (ЦЈЗ) во Куманово денеска се регистрирани петмина починати и 17 новозаболени од коронавирус во Куманово. Ова е најголем број на починати во еден ден во изминатиот месец.
Над 130 производители на органска храна од Србија, Бугарија, Црна Гора, Косово, БиХ, Унгарија, Албанија и Македонија се претставија на годинешниов Меѓународниот саем на органски и традиционални производи „Органска трпеза“ во Куманово.
Полициски службеници од СВР Куманово, синоќа во 19.30 часот ги лишиле од слобода А.М.(22), В.М.(31) и Б.И.(41), сите од Куманово, затоа што учествувале во меѓусебна физичка пресметка, а Б.И. агресивно се однесувал кон полициски службеници кои извршувале службени дејствија.
Општините од наредната година ќе добиваат повеќе пари од даноците кои ги собира државата. Со измените на Законот за финансирање на единиците на локалната самоуправа, кој помина на владина седница и ќе биде поднесен на усвојување во Собранието, се предвидува повеќе пари да се влеваат во општинските каси од персонален данок и од данокот на додадена вредност (ДДВ).
На спортскиот аеродром Аџитепе во Куманово, денеска ќе се оддржи Мото-рок Фест во организација на мото-клубот Мечки.
Во последното деноноќие регистрирани се 525 нови случаи, а направени се 3.858 тестирања на ковид-19.
Петмината кандидати за градоначалник на Општина Куманово денеска го потпишаа Кодексот на однесување за слободни и фер локални избори и се обврзаа дека во текот на предизборната кампања ќе ги почитуваа пишаните и непишаните правила за фер плеј.
Основното јавно обвинителство Куманово поведе постапка против очната лекарка од Куманово Е.С.(51) поради постоење на основано сомневање дека ја злоупотребувала службената положба за примање поткуп.
Неџат Акифи, дипломиран новинар и долгогодишен професионалец во МРТВ и ТВ Феста е избран за координатор на ЗНМ за Североисточниот регион. Акифи доби едногласна поддршка од колегите - членови на Здружението на новинарите на Македонија, кои присуствуваа на регионална средба на ЗНМ и ССНМ со новинарите и медиумски работници од Куманово.
Националниот комитет за имунизација препорачува трета доза вакцина да добијат сите граѓани постари од 60 години, здравствени работници независно од возраста и пациентите кои имаат трансплантации, на дијализа или имаат имунокомпромитирана здравствена состојба, по 6 месеци од извршена комплетна вакцинација.
Во изминатото деноноќие регистрирани се 526 нови случаи на ковид-19, а направени се 3.632 тестирања.
Млада жена од Куманово вчера била нападната од едно лице, кое се претставило дека е вработен како инкасатор во кабелска телевизија.
Зачленете се во нашиот клуб на читатели и најновите текстови ќе ги добивате на вашата мејл адреса